Gorlizko Ospitaleak bisitak berreskuratu ditu; Santa Marinak, ostera, mugatu ditu
Azaroaren 7an bertan behera geratu ziren bisitak eta jarduera berreskuratu ditu Gorlizko Ospitaleak. COVID-19 agerraldi bati aurre egiteko neurri “zorrotzak” martxan jarri zituen zentroak, profesionalen eta pazienteen segurtasuna bermatzeko. Santa Marina Ospitaleak, ostera, senideen bisitak aldi baterako mugatu behar izan ditu, zenbait positibo antzeman ondoren, Osakidetzak jakitera eman duenez.
Agerraldia kontrolatu ondoren, dagoeneko bisitak, errehabilitazio kontsultak eta ospitaleratzeak martxan ditu Gorlizko Ospitaleak, pandemiari aurre egiteko protokoloak eta segurtasun neurriak mantenduz.
Aurreneko positiboak baieztatu ziren unetik birusari aurrea hartzeko neurriak hartu zituzten, hala nola, bisitak mugatzea, ospitale osoa desinfektatzea, eta profesional zein pazienteei hiru baheketa jarrai egin zitzaien. Honezkero, agerraldia kontrolatutzat jo dute, eta Gorlizko Ospitaleak bere jarduera berreskuratu du, Osakidetzak azaldu duenez.
Paziente, senide eta profesionalen lankidetza berriro eskertu du Gorlizko Ospitaleak. Bestalde, Osasun Sailak prebentzio neurriak mantentzeko beharra azpimarratu du berriz: distantzia, maskara eta eskuak garbitzea.
Santa Marina
Santa Marina Ospitaleak, aldiz, senideen bisitak aldi baterako mugatzea erabaki du, COVID-19 zenbait positibo antzeman ondoren. Horrela, bizitzaren azkenean dauden pertsonak soilik bisitatzea posible izango da.
Birusa zabaltzea eragozteko, paziente eta profesional guztien artean baheketa egiten ari dira osasun zentroan. Era berean, positiboak agertu diren solairuetan garbiketa eta desinfekzioa egin dituzte.
Pazienteen eta profesionalen segurtasuna bermatzeko neurriak dira guztiak, Osakidetzak nabarmendu duenez. Santa Marina Ospitaleak zerbitzu guztiak eskaintzen jarraitzen du, erantsi dutenez.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.