Eusko Jaurlaritzak eta Nafarroako Gobernuak Gabonetako neurrien plana babestu dute
Eusko Jaurlaritzak eta Nafarroako Gobernuak positibotzat jo dituzte erkidegoen arteko Osasun Batzordean Gabonetarako adostu dituzten neurriak.
Besteak beste, erkidegoen arteko mugikortasun baimentzea erabaki dute, senideengana joateko bada; etxeratzeko agindua 01:30ean ezarri dute; eta familia arteko topaketetan gehienez 10 pertsona -umeak barne- elkartu ahalko direla zehaztu dute.
Gotzone Sagardui Osasun sailburua pozik agertu da akordioarekin eta esan du Iñigo Urkullu lehendakariak zuzentzen duen Babes Zibilerako Planaren Aholku Batzordean erabakiko dutela neurri horiek Araban, Bizkaian eta Gipuzkoan nola aplikatuko diren.
Sagarduik oso garrantzitsutzat jo du pandemiari aurre egiteko neurri murriztaileak mantentzea Gabonetan, datuak hobera egiten hasi badira ere, egoera larria dela ohartarazita.
Horrez gain, sailburuak esan du erkidegoek aurkeztutako proposamenak antzekoak izan direla eta orain gobernu autonomiko bakoitzak bere lurraldeko osasun egoeraren arabera neurriak egokitzeko aukera izango duela azpimarratu du.
Bestalde, Nafarroako Gobernuak nabarmendu du bileran egin dituen proposamen gehienak jasotzen dituela Osasun Ministerioarekin eta gainerako erkidegoekin egindako akordioak.
Maria Chiviteren exekutiboak abendu erdialdean bilduko da pandemiaren bilakaeraren arabera gaur iragarritako neurriak nola aplikatu erabakitzeko.
"Ordura arte ez dira xehetasunak ezagutuko, baina Estatuko akordioak biltzen dituen neurriak zorrozteko aukera daukagu", zehaztu du.
Amaitzeko, abenduaren 23tik urtarrilaren 6ra erkidegoen arteko mugimendua baimenduta egongo dela eta, joan-etorri horiek familiarekin biltzeko direla gogoratu du, eta ez aisialdirako edo oporretan joateko.
Zure interesekoa izan daiteke
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.