Ez, ez da egia edozein alergia duten pertsonei txertoa ez jartzea gomendatzen dutela
Azken egunotan Erresuma Batuan edozein alergia duten pertsonei koronabirusaren aurkako txertorik ez hartzeko aholkua bolo-bolo dabil sarean. Hori, ordea, ez da egia. Oharrak alergia esanguratsu eta larriak dituzten pertsonak aipatzen ditu, hau da, erreakzio anafilaktikoen aurrekariak dituztenak edo horrelako erreakzio bat jasateko arrisku handia izateagatik adrenalina-autoinjektore bat gainean eramatea gomendatu zaienak.
Ez da, beraz, alergia duten pertsona guztiez ari. Gainera, Maldita.esek (Maldito Bulo atalaren bidez), koronabirusaren inguruko fake news-ak gelditzeko EiTBrekin harremanetan ari denak, bi kasu horien azalpen gehiago eman nahi izan ditu.
90 urteko emakume bat izan zen Pfizer farmazialari estatubatuarrak garatutako covid-19aren aurkako txertoa jaso zuen lehen pertsona Erresuma Batuan eta munduan.
Hala ere, lehen txertoa jarri eta 24 orduren buruan osasun agintariek alergia larriak dituzten bi osasun langileren kasuak jakinarazi zituzten; Pfizerren txertoa jaso ondoren, erreakzio handia izan zuten. Berehala artatu zituzten, eta ongi daude, baina agintariek alergia esanguratsuak dituzten pertsona guztiei momentuz ez txertatzea gomendatu diete.
Zer da "erreakzio alergiko esanguratsua"?
Erreakzioa izan zuten bi pertsonak NHSko (Erresuma Batuko Osasun Zerbitzu Nazionala) langileak dira, eta adrenalina-autoinjektoreak edo EpiPen delakoak eraman ohi dituzte soinean, hau da, iraganean erreakzio alergiko handiak izan dituzte.
MHRA Medikamentuak eta Osasun Produktuak Arautzen dituen agentziak ohar baten bidez jakinarazi duenez, anafilaxi kasuez gain, beste erreakzio alergiko kasu bat ere egon daiteke immunizazioaren ostean. "Anafilaxia bigarren mailako efektu ezaguna da, baina oso arraroa, edozein txertoren kasuan. Pertsona gehienek ez dute anafilaxirik izango, eta pertsonak covid-19tik babesteak arriskuak gainditzen ditu ", adierazi du June Raine MHRAko buruak. Gaixoek tratamendu azkarra jaso zuten eta sendatzen ari dira, erakunde horren arabera.
MHRA-k eguneratutako aholkuen arabera, txerto, sendagai edo elikagai baten berehalako anafilaxi-historiala duen orok hobe du oraingoz Pfizerren txertoa ez jasotzea. Halaber, lehen dosiaren ondoren anafilaxia izan dutenei txertoaren bigarren dosi bat ez ematea ere gomendatu du.
Gainera, txertoa jasotzen dutenak txertoa hartu ondoren 15 minutuz monitorizatuta egon beharko dutela uste du Erresuma Btuko agentziak, eta behaketa luzeagoa egin beharko zaie behaketa klinikoak hala uste badu.
Zure interesekoa izan daiteke
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.