EAEn 30 eta 34 urte arteko 10 pertsonatik 7 emantzipatuta daude
Euskal Autonomia Erkidegoan (EAE), 30 eta 34 urte bitarteko 10 pertsonatik 7 emantzipatuta daude eta gehienak beren jabetzako etxebizitza batean bizi dira. Gazteen Euskal Behatokiak "Gazteria, emantzipazioa eta etxebizitza beharrak Euskadin (2019)" egindako txostenaren arabera, 25 eta 29 urte bitarteko hiru pertsonetatik batek lortu dute gurasoengandik ateratzea eta beren kabuz bizitzea.
Zehazki, 18 eta 24 urte bitartean, emantzipatutako gazteen kopurua ez da % 10era iristen (% 8,1), 25 eta 29 urteen artean, emantzipatuen kopurua % 33koa da (hirutik bat), eta 30 eta 34 adin tartean, ostera, % 70,1koa. Ikerketak ondorioztatu duenez, azken adin tarte horretan gauzatzen da gehien bat emantzipazioa. Gainera, gehienek etxebizitza erostearen alde egiten dute.
Eusko Jaurlaritzak jakinarazi duenez, 30 eta 34 urte arteko hamar pertsonatik sei beren jabetzako etxebizitza batean bizi dira. 30 urtetik beherakoen artean, ostera, hamarretik ia zazpi (% 64,9) alokairuan bizi dira. Adin tarte horretan hamarretik hiru bakarrik bizi dira beren jabetzako etxebizitza batean.
18 eta 34 arteko pertsona guztiak aintzat hartuta, emantzipatuen erdiak beren jabetzako etxebizitza batean bizi dira. Gutxiago dira alokairuan bizi direnak: % 46,6. Gainerakoak, utzitako etxebizitzetan bizi dira (% 3,3).
Etxebizitza beharrak
Inkestan parte hartu duten hiru pertsonetatik batek onartu dute etxebizitza behar dutela EAEn. Etxebizitza beharrak gora egiten du adinarekin batera.
18 eta 24 urte artekoen artean, % 19,5k onartu dute etxebizitza beharra dutela; 25 eta 29 urte artekoen artean, %46,6k, eta 30 eta 34 urte artekoen artean, % 52,9k.
Lehentasunen inguruan galdetuta (beti ere beren baliabide ekonomikoak aintzat hartuta), % 34,9 etxebizitza erostearen aldekoak dira; % 36,8, ostera, alokairuaren aldekoak. Gainera, adinean gora egin ahala, gora egiten du erosketaren aldeko hautuak.
2015eko datuekin alderatuta, igo egin da erosketaren aldeko hautua egiten dutenen kopurua (% 21,1etik % 34,9ra). Alokairuaren kasuan, jaitsi egin da: % 21,1etik % 13,9ra.
Zure interesekoa izan daiteke
800 produktu faltsutu baino gehiago atzeman dituzte Bizkaian
Guardia Zibilak faltsututako 800 produktu baino gehiago atzeman ditu Bizkaian, 35.000 euroko balioarekin. Miaketak Getxon (bi) eta Muxikan egin dira. Oraingoz, bi pertsona dira ikerketapean ustezko errudun gisa.
Fiskaltzak 34 urteko zigorra eskatu du Pasaian bikotekide ohia tiroz hiltzea egotzi dioten gizonarentzat
Hilketa matxista 2024ko azaroaren 30ean gertatu zen eta gizonezkoa behin-behineko espetxealdian dago. 2026an zinpeko epaimahai batek epaituko du.
Albistea izango dira: Hotza eta elurra protagonista, animaliarik ez azoketan eta arrain freskorik gabeko egunak Bizkaian
Gaurkoan Orain-en albiste izango direnen laburpena, bi hitzetan.
Lehorreratzeak euskal kostaldean: hondartzetan harrapatuta gelditzen diren itsas animaliak
Baleak, izurdeak, fokak... Tarteka itsasoko animaliaren bat gure hondartzetan gelditzen da harrapatuta. Sareus elkartea arduratzen da kasu horiek kudeatzeaz: erantzunak koordinatzeaz, informazio zientifikoa lortzeaz eta, animalia hil bada, nekropsiak egiteaz. Denis Benito elkarteko kideak fenomeno horien aurrean nola jokatzen duten azaldu digu.
Baiona eta Frantziako Tolosa lotzen dituen A-64 autobidea partzialki ireki dute
Biarnoko zatia da zabaldu dutena. Hala ere, laborariek oraindik blokeatuta daukate Ipar Euskal Herriko zatia dermatosi nodularraren neurriak salatzeko protesta gisa.
Fitnessaren arrakasta: gimnasioak zabalik, baita Eguberri egunean ere
Hutsik egin gabe, egunero kirola egiteko ohitura daukatenek ez dute barkatzen, ezta Eguberri egunean ere. Hori dela eta, gero eta gimnasio gehiagok zabaltzen dituzte ateak horrelako egun berezietan. Ariketa saio bat eginda, lasaiago eta gose handiagoz jartzen omen da bat mahaian.
Donostiako Kontxapuzoia 200 parte-hartzailerekin itzuli da, bularreko minbizia duten emakumeei laguntzeko
Kontxako hondartzan izan da espero zen Kontxapuzoia: 200 ausart uretara oldartu dira hotzari aurre egiteko eta Katxalin elkartearen mesedetan dirua biltzeko. Marmoken presentzia dela-eta iazko etenaldiaren ondoren, CD Fortunak antolatutako elkartasun ekitaldiak komunitatea bildu du Eguberrietako ohiko hitzordu honetan, babes eta elkartasun erakustaldi batean.
Donostian atxilotu dute, 17 ibilgailutan kalteak eragiteagatik
Ertzaintzak 30 urteko gizon bat atxilotu du bart, aparkatuta zeuden 17 ibilgailutan kalteak eragiteagatik, Eusko Jaurlaritzako Segurtasun Sailak jakitera eman duenez.
Gizon bat atxilotu dute Azkoitian, emakume bati sexu-erasoa egiten saiatzeagatik
Erasotzaileak bizikleta batean ihes egin du, eta handik gutxira bi lekukok geldiarazi dute, atzetik jarraitu diotelako ibilgailuekin. Gertatutakoa salatzeko, Itaiak elkarretaratzea egin du gaur, "Eraso matxistei aurre egin!" lelopean.
Olentzero eta Mari Domingiren magia Euskal Herriko etxeetara iritsi da
Ilusioa, urduritasuna eta irribarreak errepikatzen dira abenduaren 25ean Euskal Herriko etxeetan. Haurrek Olentzerok eta Mari Domingik gauean utzitako opariak ezagutu dituzte, emozioz beteriko goiz batean.