Osasun langileek covid-19aren aurkako txertoa hartzera animatu dituzte herritarrak

Txertaketa "bizitzak salbatzen dituen ekintza bat" dela nabarmendu dute, eta "sinesmenetik abiatu ohi diren ebidentzia zientifikorik gabeko argudioei sinesgarritasunik ez emateko" eskatu dute.

Agentziak | EITB Media

2020/12/26 - 10:46

Azken eguneratzea

2020/12/26 - 13:43

Arabako eta Bizkaiko osasun arloko langileek covid-19aren aurkako txertoa hartzera animatu dituzte herritarrak, txertaketa "bizitzak salbatzen dituen banakako eta taldeko erantzukizuneko ekintza bat" dela iritzita.

Igande honetan txertaketa kanpaina hasiko da Euskadin, eta, horren aurrean, txertoak onura indibiduala ez ezik, inguru osoa babesten duela nabarmendu dute Arabako osasun arloko profesionalen elkargoetako ordezkariek.

Arabako bost elkargo profesionalek gogorarazi dutenez, EBn koronabirusari aurre egiteko jarriko diren txertoek agentzia ebaluatzaileen oniritzia dute, eta "horien segurtasuna, kalitatea eta eraginkortasuna bermatuta dago". Hori dela eta, txertoarekiko hasierako mesfidantzarik ez izateko eskatu diete herritarrei, txertoa prestatzeko epeak laburtu diren arren, guztiz segurua baita.

Alabaina, txertoaren eraginkortasun handia espero den arren, "denbora asko beharko da populazio immunearen kopurua nabarmena izateko, eta gaur egun ezarrita dauden neurri murriztaileak alde batera utzi ahal izateko", hori dela eta, "Gabonetan ere zuhurtziaz jokatzeko" eskatu dute, une honetan indarrean dauden "prebentzioko arauak lasaitzea saihesteko".

Bestalde, "txertoak eragin ditzakeen sintomei beldurrik ez izateko deia" egin du Bizkaiko Medikuen Elkargoak (BME), ondoeza sor dezaketen sintoma batzuk izan badaitezke ere, "ez liratekeelako SARS CoV-2 birusaren ondorioz izan litezkeenak bezain kaltegarriak".

Bizkaiko Medikuen Elkargok ohar batean azaldu duenez, behin komunitate zientifikoak bermatuta eta Sendagaien Europako Agentziak baimenduta, covid-19aren aurkako txertoak "gainerako txertoek dituzten segurtasun-berme berberak" betetzen dituela esan daiteke, eta, beraz, herritarrek beste edozein txerto jartzeko orduan duten lasaitasun berarekin joan beharko lukete hitzordu horretara".

Testuinguru horretan, "birusaren aurkako ahotsek diotenari kasurik ez egiteko" eskatu die Bizkaiko Medikuen Elkargoak herritarrei. Hortaz, "sinesmenetik abiatu ohi diren ebidentzia zientifikorik gabeko argudioei sinesgarritasunik ez emateko" eskatu die.

Halaber, Bizkaiko Medikuen Elkargoaren iritziz, "oinarririk gabeko albiste faltsuei kasu egiteagatik edo beste pertsona batzuek txertoa jarri arte itxaroteagatik txertorik ez hartzea erabakitzeak pandemia kontrolpean izateko beharrezkoa den talde-immunitatea lortzea atzeratzen du". Bizkaiko medikuen arabera, elkartasunik gabeko jarrera horrek ondorio hauek izango lituzke: heriotza gehiago, osasun-sisteman presio handiagoa eta herrialdearen egoera ekonomikoa larriagotzea, horrek gero eta familia gehiagorengan izango lituzkeen ondorioekin.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, espazio publiko itxietan, garraio publikoan eta udalerri eta hiri nagusietan da derrigorrezkoa.

Zure interesekoa izan daiteke

Setenil de las Bodegas convive con el miedo a los derrumbes y la curiosidad de los turistas

Setenil herrira doazen turisten jarioa ez da eten, kalteak handiak izanik ere

Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.

Euriari aurre eginez, Donostiako kaleak girotu ditu inude eta artzainen konpartsak

Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.

UBRIQUE (CÁDIZ), 08/02/2026.- Las calles del casco antiguo de la localidad gaditana de Ubrique siguen anegadas este domingo tras el paso de las borrascas. EFE/ Román Ríos

Euriteak baretu dira Andaluzian, azken egunotako ekaitzak igarota

Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.

Zaldibar Argituren bilkura hondamendiaren 6. urteurrenean

Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan

Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.

18:00 - 20:00

Arabako eta Gipuzkoako etxebizitzetan lapurretak egin zituen gaizkile talde bat desegin dute

Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.

ARCOS DE LA FRONTERA (CÁDIZ), 07/02/2026.-Vista del río Guadalete a su paso por Arcos de la Frontera, y al que la presa está desembalsado agua. Andalucía se mantiene en situación de máxima alerta ante el posible empeoramiento de los efectos generados por el tren de borrascas de las últimas semanas con la llegada del nuevo frente, Marta, después de estimar que las pérdidas económicas para la región pueden ser "millonarias". EFE/ Roman Rios

Mugimendu sismikoak izan dira Andaluzian, denboralearen ondorioz

Intentsitate txikiko lurrikarak izan dira Cadizko mendilerroan eta Malagako hainbat udalerritan.

RIO-guadalete-arcos-de-la-frontera-cadiz

722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute

Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.

Guggenheim Urdaibai proiektua "herri mugimenduak geldiarazi" duela ospatu dute Gernikan

Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".

Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan

Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.

Muskilen festa egin dute lehen aldiz Iruñean inauteriak iragartzeko, Kaldereroen ordez

Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.