EAEko sei mendate itxita daude elurragatik
18:00etako datu eguneratuen arabera, Aiurdin, Arrate, Opakua, Umaran, Urkiola eta Zaldiaran mendateek itxita jarraitzen dute, elurra edo izotza dela eta. Halaber, Urduña, Barrerilla eta Gesaltza gainetan autoek baino ezin dute zirkulatu.
Eusko Jaurlaritzako Segurtasun Sailak jakitera eman duenez, denboraleak zirkulazioa oztopatzen du Euskadiko beste hainbat toki garaitan.
Horrela, Bernedo eta Herrera mendateetan kateak erabili behar dituzte mota guztietako ibilgailuek, eta Urduñan, berriz, autoek.
Segurtasun Sailak baieztatu duenez, azken orduetan hainbat zirkulazio-istripu izan dira, batez ere ibilgailuak galtzadatik irteteagatik, baina ez da istripu larririk izan.
Istilurik handienak GI-20 errepidean gertatu dira, Usurbil parean, kamioi batek artaziarena egin eta Bilborako noranzkoan errepidea itxi duenean, eta A-636 errepidean, Ormaiztegin, hiru ibilgailuk talka egin dutenean. Zirkulazioa berrezarri da dagoeneko.
Gainera, A-625 errepidean, Aiaran (Araba), auto bat irauli da eta bi bidaiari zauritu dira.
Segurtasun Sailak datozen egunetan kontuz ibiltzeko deia egin du, izotza eta elurra maila baxu samarretan baitaude.
Nafarroa
A-1 autobideak (Iparraldeko autobia) zirkulazio etenaldiak ditu larunbat honetan Gipuzkoan, Irunerako noranzkoan, elurrak kamioien zirkulazioa oztopatzen baitu. Beraz, A-10 errepidetik (Sakanako autobia) eta A-15 errepidetik (Leitzarango autobia) desbideratzea gomendatzen da.
Kasu honetan izan ezik, Nafarroako Gobernuak azken orduetan Nafarroako iparraldean izandako elurteek, oro har arinak, ez dutela arazorik sortu sare nagusian adierazi du.
Bigarren mailako errepideetan kateak erabili behar dira NA-137 errepidean (Burgi-Isaba-Ipar Euskal Herria) 45. puntu kilometrikoan (Hagako Mata, Belaguako portuaren hasiera), eta itxita dago 58. Puntu kilometrikotik. NA-7510 errepidea (Aralarko San Migelerako sarbidea) ere itxita dago.
Salbuespen gisa, egoera meteorologikoagatik, Erronkariko haranera sartzeko baimena ematen da Aragoiko probintzia-muga zeharkatuz, A-137 errepidearen bidez. Errepide hori Carrica Bentatik abiatzen da, Esako urtegian, eta NA-137rekin lotzen da Burgiko udalerrian. Horrela, NA-214 (Nabaskoze-Burgi) errepidea erabiltzea eta Las Coronaseko portutik igarotzea saihesten da.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.