Liaño: "Egoitza-agerraldiak txostenerako balioko balu, Muskiz gune gorrian legoke"
Muskizko Marcelo Gangoiti egoitzako erabiltzaile ia guztiak kutsatuta daude: 122 egoiliarren 93, hain zuzen. Horiez gain, 20 langilek ere eman dute positibo.
Borja Liaño Muskizko alkateak jakitera eman duenez, aste honen amaieran eta hurrengoan zuten aurreikusita egoiliarrek txertoa hartzea, baina orain ez dakite albiste horrek txertaketari nola eragingo dion.
Enpresak eta Udalak "ez dakigu zergatik gertatu den; izan ere, barne egoitza bat da eta egoiliarrak ez dira kanpora ateratzen".
Radio Euskadiko "Boulevard Informativo" saioan azaldu duenez, baheketa bat egin zuten "urtarrilaren 5ean eta bi positibo atzeman zituzten". Astebete geroago, baina, koronabirusa atzemateko probak egin eta 108 positibo atzeman dituzte. Horren esanetan, "ezusteko larria izan da", baina positibo guztiak "sintomarik gabekoak dira eta ondo daude".
Muskiz gune horian dago gaur egun, baina "bizitegi-agerraldiak txosten epidemiologikoetarako balioko balu, gune gorrira igaroko ginateke". Neurriak handitzeko aukerari buruz galdetuta, Muskizko alkateak esan du "agerraldia egoitza-agerraldi gisa" hartu duela Osakidetzak, eta ez dutela uste "udal mailan fokurik egon daitekeenik", baina ez du ezkutatu "horrek herriko eguneroko bizitzan izan dezakeen eraginari buruzko kezka".
"Kezkaz" gain, "nahasmena" ere badagoela esan du, "arraroa ematen baitu". Alkateak eskaria egin dio Osakidetzari, "10-15 pertsonari PCR probak berriro egiteko, positibo faltsuak dauden ikusteko".
Oraingoz, "baheketa masiboa egiteko baldintzak ez dira betetzen", baina, beharrezkoa bada, "Jaurlaritzak egingo du".
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.