Ipar Euskal Herrian ere hasi dute txertaketa kanpainaren bigarren fasea
Gaur hasi da Ipar Euskal Herrian txertaketa kanpainaren bigarren fasea, zaharren egoitzetatik kanpo bizi diren 75 urtetik gorako pertsonei eta "arrisku handiko" pertsonei zuzendua, eta hainbat gune prestatu dituzte horretarako: Baionan, Elkarteen Etxea; Biarritzen, kasinoa; eta Angelun, Itsasoaren Gunea.
Orain arte, Frantziako osasun agintariek lehentasunezko taldeei eman dizkiete gaixotasunaren aurkako txertoak, zaharren egoitzetako egoiliarrak barne. Hortaz, beste hainbat leku zabalduko dituzte datozen ordu eta egunetan Donibane Garazin, Donibane Lohizunen, Maulen eta Kanbon.
Ostiralean hasi zen hitzorduak Internet bidez eta telefonoz hartzeko aukera, eta ostiralean bertan oso zaila izan zen hitzordua hartzea. Baionan eta Biarritzen, esaterako, gaur goizerako hitzordu guztiak jada hartuta daude. Ipar Euskal Herriko beste gune batzuetan hitzordua har daiteke, baina otsailetik aurrerako ematen ari dira hitzordu horiek.
Lehen fasean, erresidentzietako egoiliarrak txertatzen ari dira, baita 50 urtetik gorako osasun arloko langileak ere, eta oraindik jarraitzen du lehen fase horrek, baina, esan bezala, gaur ekin diote bigarren faseari.
Frantziak dio milioi bat pertsona txertatuko dituztela
Olivier Veran Osasun ministroak "pazientzia" eskatu die astelehen honetatik aurrera botika jasotzeko deitu dituzten pertsonei, eta, aldi berean, azaldu du Frantziak milioi bat pertsona txertatuko dituela "urtarrilaren amaierara bitartean", eta otsailaren amaierarako 2,4 eta 4 milioi artean izango dira.
Frantziako txertaketa kanpainaren alde egin du Veranek, "ondo funtzionatzen ari da" esanez. Frantziako Gobernuak kritikak jaso ditu, pertsona askok ez dutelako botika hartzeko hitzordurik lortzen, nahiz eta lehentasunezko taldeetakoak izan.
"Banaketa harmoniatsua dago, Ekialde Handia, Borgoina, Itsas Alpeak eta Nizan izan ezik", baina bertan Modernaren txertoak lehentasunez bidaliko direla adierazi du Osasun ministroak.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.