Ertzaintzaren "basakeriaren" aurrean, Polizia "eredu propioa" eskatu du Otegik
Arnaldo Otegi EH Bilduko koordinatzaile nagusiak Ertzaintzak San Sebastian egunean Donostiako Alde Zaharrean izandako jokamoldea kritikatu du, eta Polizia ereduaren inguruko hausnarketa eskatu du ETB 1eko "Egun On Euskadi" saioan. "Eredu propio bat egin behar dugu. Badugu aukera beste motatako Polizia bat egiteko", esan du.
Otegik salatu duenez, osasun neurriak betetzen ez direnean Ertzaintzak ez du modu berean jokatzen toki batean ala beste batean. "Joan gaitezen Donostiako beste auzo batzuetara eta ikusiko dugu helduek ere, hainbat tokitan, beste klase batekoetan, sekulakoak egiten dituztela. Ez ditut poliziak han peloteroekin sartzen ikusten", esan du.
EH Bilduko koordinatzaile nagusiak azaldu du gurasoak "16 urteko seme-alabak babestera" joaten direla Donostiako Trinitate plazara, "printzipioz botelioia egin gabe eserita daudenean". "Nire adinekoak, kale borrokarekin zerikusia ez dutenak, jipoituak izan dira. Basakeria da, ezin da toleratu, ezin da jendea jo, ezin da auzoa okupatu", esan du Otegik.
Gainera, batzuek "existitzen ez den zerbait errekreatzeko" interesa dutela salatu du, "gertatzen diren basakeriak justifikatzeko". Horiek "onargarriak ez direla" salatu, eta ohartarazi du "edozein momentutan berriz ere hildako bat izan dezakegula". "Sektore interesatuak daude dinamika determinatu batzuk errekreatzen", esan du.
Osasun neurrien alde egin du Otegik, baina horiek betearazteko Ertzaintzaren jokamoldea salatu du: "Osasun publikoaren arazo larri bat daukagu. Norbait egon bada herri honetan neurriak zorrotz betetzearen eta neurri gogorren alde EH Bildu izan da. Eman dezagun biztanleen % 3k ez duela neurririk hartzen eta botelioia dagoela. Nola konpontzen da, pelotazoak botatzen, jendea egurtzen eta auzo bat polizialki okupatzen?".
Otegik Polizia "eredu propio bat" eskatu du, eta horren inguruko hausnarketa abiatzea. Ezker abertzaleak Poliziak "demokratikoa, euskalduna eta herritarra" izatea nahi zuela gogorarazi du, baina "gero egon da egon den historia tamalgarria", eta esan du orain "aukera daukagula ereduari buruz hitz egiteko". "Zein Polizia nahi dugu euskaldunok?", galdetu du.
EH Bilduren koordinatzaile nagusiak uste du "Espainiako Poliziaren eredua" errepikatu dela Euskal Herrian. "Orain dela 50 urte jende guztiak argi zeukan ez genuela nahi Espainiako Poliziaren eredua herri honetan: jotzen duen Polizia, pelotazoak, tortura eta abar". Horregatik, "beste motatako Polizia bat egiteko" hausnarketa eskatu du.
Zure interesekoa izan daiteke
Noelia eutanasia eskatu zuen Bartzelonako gazteak gaur jasoko du, epaileak onartu ostean
25 urteko emakumeak bere erabakiari eutsi dio, nahiz eta aita aurka agertu, Espainian legezko bide guztiak agortuta eta Giza Eskubideen Europako Auzitegira jota.
Meta eta Google, 2,6 milioi euro ordaintzera behartuta, gazte bati eragindako menpekotasunagatik
Antsietatea, depresioa edo gorputz-dismorfia dira gazteak pairatutako kalteetako batzuk. “Haurrentzat mendekotasuna sortzen duten eta kalte egiten duten produktuak diseinatzen dituzte”, adierazi du abokatuak.
Hondarribiak gaur onartuko du bere II. Berdintasun Plana, Alardearen inguruko gatazka bideratzeko neurriak jasoko dituena
Planak “emakumeen eskubideen defentsan jasandako indarkeria aitortzeko formulak" bilduko ditu.
Albiste izango dira: Korrika zuzenean, krisi energetikoaren aurkako neurriak eta hauteskunde sindikalak Ertzaintzan
Gaurkoan Orain-en albiste izango direnen laburpena, bi hitzetan.
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela adierazi du Amaya Zabarteren senarrak
Epaileak Amaya Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa soilik izan duela kontuan, lekukoen testigantzak eta frogak alde batera utzita. Probintzia Auzitegira begira itxaropentsu dago, justizia kasua hara heldutakoan iritsiko zaielakoan.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko du.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaerari eutsi dio adingabeei sexu-proposamenak egiteagatik epaitutako Irungo irakaslearentzat
Defentsak, bere aldetik, absoluzioa eskatu du, irakasleak ustezko biktimekin "adiskidetasun" harreman soila zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.