Beste 104 pertsona ospitaleratu dituzte covid-19arengatik azken orduetan EAEn

Zaintza intentsiboetako unitateetan ez da aldaketarik egon, eta covid-19a duten 109 gaixo daude. 1.140 positibo berri eta % 8,4ko tasa erregistratu dituzte autonomia erkidegoan.

Txagorritxu ospitalea, Gasteizen. Argazkia: EFE

Mikel Dominguez | EITB Media

2021/01/23 - 14:01

Azken eguneratzea

2021/01/23 - 14:01

1.140 covid-19 kasu berri atzeman dituzte Euskal Autonomia Erkidegoan azken orduetan, aurreko egunean baino positibo bat gutxiago, Eusko Jaurlaritzaren Osasun sailak emandako datuen arabera. Larunbat honetako kopurua orain dela aste bat atzemandako datuen ia bikoitza da.

Ostiralean 13.642 proba diagnostiko egin dira. Beraz, positibo tasak apur bat egin du behera, eta % 8,4 da.

Lurraldeen arabera, Bizkaiak jarraitzen du izaten eguneko positibo berri gehien erregistratzen dituena. 630 covid-19 kasu atzeman dira lurralde historiko horretan. Gipuzkoan 292 erregistratu dira, eta Araban, 208.

Ospitaleak jasaten ari diren presioak gorako bidean jarraitzen du. Azken orduetan 104 pertsona ospitaleratu dituzte covid-19arengatik. Zaintza intentsiboetako unitateetan ez da aldaketarik egon ostiraleko datuekin konparatuta. 109 daude ZIUn covid-19arekin.

Udalerrien eta R0 indizearen inguruko informazioa astelehenean eguneratuko du Osasun sailak.

Nafarroan ere, igoera nabarmena azken astean

Covid-19an kutsatu kopuruak altua izaten jarraitzen du Nafarroan. Gobernuak eman dituen behin-behineko datuen arabera, zertxobait jaitsi dira kasuak azken 24 orduetan, bezperan izandako 313 kasuak kontuan hartzen badira (azaroaren 6tik ez zen horrelako zenbaki alturik ikusten), baina 250 kasu berritik gora jarraitzen du egoerak.

Izan ere, 3.313 PCR eta antigeno test egin ziren atzo Nafarroan, eta horietatik 263k positibo eman zuten, egindako proba guztien %7,9k, hain zuzen ere.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, espazio publiko itxietan, garraio publikoan eta udalerri eta hiri nagusietan da derrigorrezkoa.

Albiste gehiago gizartea

Arantzazura eraman dituzte jada Donostian kalean bizitzen egon diren Maliko 50 migratzaileak

Gurutze Gorriak Oñatira eraman ditu gaua Donostian igarotzen zuten Maliko migratzaileak, aldi baterako ostatu batera. Amara auzoan kalean zeuden 50 afrikarrei Arantzazuko aterpean eman diete ostatu, asilo eskaria bideratu bitartean. Ostiral honetan abiatu da lekualdaketa Amara Berri ikastetxe publikotik, Donostiako Kofradien plazatik gertu.

Joxe Mari Kortaren Bidetik Fundazioak amaiera eman dio bere ibilbideari, enpresaburua hil eta 25 urtera

Gaur 25 urte bete dira ETAk Joxe Mari Korta enpresari zumaiarra hil zuenetik. Haren familiak eta lagunek omenaldi xume bat egingo diote Arroako hilerrian. Urteurren borobil honekin bat eginez, bukatutzat emango da berak ordezkatzen zituen balioetatik abiatuta sortutako fundazioaren lana.

Bidarten chikungunya bigarren kasu autoktonoa antzeman dute, tigre-eltxoek transmititzen duten gaixotasuna

Ipar Euskal Herriko autoritateek herria fumigatuko dute larunbat goizaldean, abuztuaren 9an, 03:00etan.

18:00 - 20:00

Gizon bat atxilotu dute Bilbon, Atxuri auzoko eraikin bateko fatxadari su emateagatik

Suak ez du inor zauritu. Sutea telefono mugikor batekin grabatzen topatu dute inguru horretan atxilotutako gizona.

Aner Uriarte Bilboko epaile dekanoak ukatu egin du euskararen aurkako epailerik dagoenik: "Asmakeria bat da"

Lan-eskaintza publiko batzuek ezarritako euskara-baldintzak aldatu dituzten azken epaiei dagokienez, Aner Uriarte Bilboko epaile dekanoak ukatu egin du justizia-administrazioan euskararen aurkako ideia "hitzartua" dagoenik.

Gasteizko Mugimendu Feministak "intentsitate handiko" bi sexu-eraso salatu ditu ostegun gauean

Elkarretaratzea larunbat honetan izango da, 20:00etan, Andre Maria Zuriaren plazan. Azken erasoak salatzeaz gain, erasotzaileengan jarri nahi dute arreta.

Detalle de la vértebra cervical infantil de un niño o niña de entre 2 y 5 años con marcas de corte que evidencian prácticas de canibalismo por parte de sus congéneres.

Neolitoko kanibalismoaren aztarna berriak aurkitu dituzte Atapuercan

Ikertzaile talde batek gutxienez 11 pertsonaren aztarnak aurkitu ditu Atapuercako aztarnategian. Azaldu dutenez, aztarnek 5.700 urte inguru dute, eta larrutu, hezurra eta haragia bereizi, kozinatu eta kontsumitu izanaren markak dituzte.

Atun gorria gizentzeko Getariako uretan Aztik eta Balfegok dituzten kaioletan lehenengo 50 hegalaburrak sartu dituzte

Hegalaburraren lehen 50 aleak Getariako gizentzeko itsas haztegiko bi kaioletan daude dagoeneko. Tunidoak sardina eta berdel izoztuekin elikatuko dituzte urriaren amaierara arte, eta hil horren amaieran sakrifikatuko dituzte. Hartuko dituzten kiloak gantza dira, atunaren haragian sartzen den koipea.

Donostiako Amara auzoan kalean bizi diren 50 pertsona migratzaileei Arantzazun ostatu emango diete

Gipuzkoako Foru Aldundiak, Donostiako Udalarekin lankidetzan, aldi baterako ostatu bat prestatu du Oñatin.

Edurne eta Zeledon Txikiren jaitsierak Andre Maria Zuriaren plaza bete du txikien egunean

Aiora Diaz, Los Alegrios kuadrillako 12 urteko neska, eta Eñaut Saenz de Viteri, Galtzagorri kuadrillako 10 urteko blusa, izan dira aurtengo Edurne eta Zeledon Txiki. Eguerdian, txupinazoarekin batera, Zeledon Txikiren eta Edurneren panpinak San Migel elizako dorretik jaitsi dira. Ondoren, Aiora eta Eñaut elizako balkoira itzuli dira eta, handik festaz gozatzeko deia egin diete Gasteizko haur guztiei.