Luis Castaño, Biocruces: "Datozen hilabeteetan iritsiko da Curevacen txertoa"
Osakidetzaren Biodonostia eta Biocruces Bizkaia Osasun Ikerketa Institutuak aukeratu dituzte Curevac enpresa farmazeutiko alemaniarrak covid-19ari aurre egiteko garatu duen txertoaren eraginkortasuna aztertzeko saiakuntza klinikorako.
Estatu mailan ikerketarako hautatutako hiru zentroetatik bi jarriko ditu EAEk; hirugarrena Madrilgo erkidegokoa da. Saiakuntza kliniko handia izango da, mundu osoan 30.000 lagunek baino gehiagok hartuko baitute parte bertan; horietako 2.000 inguru EAEk jarriko ditu.
Luis Castaño Biocruceseko zuzendariaren hitzetan, txertaketan buru-belarri dabiltza azkenaldian, ahal den pertsona kopuru handiena immunizatzeko gai diren proiektuak sakon aztertuz.
Dagoeneko, Biodonostia eta Biocruces institutuek abiatutako ikerketa hirugarren fasean dago, hau da, "oso aurreratuta" doa, eta txertoaren eraginkortasuna frogatzea besterik ez zaie geratzen. Hortaz, entsegu klinikoa bi astetan hasteko asmoa dute.
Radio Euskadiko "Boulevard" saioan Castañok azaldu duenez, bi egun barru hasiko dira entseguan parte hartuko duten herritarrekin harremanetan jartzen. Birusa izan ez duen edonork har dezake parte. Ahal dela gaixotasun kroniko larririk ez duten pertsonak izan behar dira, 18 urtetik gorakoak eta emakumeen kasuan ezingo dira haurdun egon.
Boluntarioen erdiek plazeboa jasoko dute, eta beste erdiek txertoa. Profesionalak ez du bata edo bestea txertatu duen jakingo, ezta txertoa jaso duenak ere. "Urtebeteko jarraipena egiten dugu, zenbait kasutan telefono bidez", adierazi du Castañok.
"Gaur-gaurkoz bi txerto ditugu, baina badira aurki helduko diren beste batzuk ere. Horrenbestez, udarako herritarren % 70ek edo % 80k jaso beharko lukete txertoa", erantsi du.
"Egoera honek argi uzten du ikerketak berebiziko garrantzia duela", bukatu du.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.