Bilboko inauteriak, bertan behera
Bilboko Jai Batzorde Mistoak iragarri du aurten ez dutela inauteririk antolatuko. Hortaz, otsailaren 6tik 16ra ez da ospakizunik egingo Bizkaiko hiriburuan, "covid-19aren pandemiari aurre egiteko babes eta elkartasun irizpideekin bat".
Euskal Museoan egindako agerraldian, Itziar Urtasun Jai zinegotziak eta Artzai Goieaskoetxea Bilboko Konpartsak taldeko ordezkariak eman dute albistea.
Biek ala biek azaldu dute aho batez hartu dutela inauteriak bertan behera uzteko erabakia, horretarako "osasun baldintzak" betetzen ez direla iritzita.
Agerraldian, adierazi dute erabaki "bateratua eta arduratsua" dela, eta erantsi dute osasuna dibertsioa baino garrantzitsuagoa dela. "Jairik ez ospatuta, kalean jende asko pilatzea saihestuko dugu", azpimarratu dute.
"Bilboko bizilagunen osasuna eta ongizatea babestu nahi ditugu, horregatik, herritar guztiei eskatu nahi diegu segurtasun eta osasun neurriak betetzen jarraitzea", esan dute.
Erabakia irmoa da. Ez da ospakizunik egongo; ez kalean, ez internet bidez. Etxetik mozorrotuta irten nahi duten pertsonei magiarekin zerikusia duten mozorroak aukeratzea proposatu die Jai Batzordeak, "itxaropena pizteko eta etxeko txikienak entretenitu eta pozteko".
Zure interesekoa izan daiteke
Euria lagun, Rigloseko sutea mendean hartzea lortu dute
Baso-sutearen bilakaera ona dela eta, gaur hasiko dira 19 herrigunetatik ebakuatutako bizilagunak (1.000 baino gehiago) beren etxeetara itzultzen.
Rigloseko suteak hobera egin du eta dena prest dago ebakuatutako bizilagunak euren etxeetara bueltatzeko
Sutearen zatirik handiena, 17.500 hektarea baino gehiago erre dituena, egonkortuta dago, sektore batzuen faltan.
49 urteko motor-gidari bat larri zauritu da Arrietan izandako istripu batean
Ezbeharra 17:00 inguruan gertatu da, NA-1720 errepidean Arrietan parean (Artzibar). Nafarroako Gobernuak ohar batean azaldu duenez, aurrez aurre talka egin dute autoak eta zauritutako gizona zihoan motorrak.
Sabino Ormazabal ekintzaile eta bakezale nekaezina zendu da, 72 urte zituela
Kazetaritza, antimilitarismoa, ekologismoa, giza-eskubideak eta desobedientzia zibila izan ditu ardatz donostiarrak bere bizitza osoan zehar. Gizarte-mugimenduetan murgilduta beti, Eusko Legebiltzarrak izendatutako polizia-gehiegikeriaren eta giza eskubideen urraketen biktimen aldeko batzordean parte hartu zuen 2013tik.
Pertsona bat hil eta beste bat larri zauritu da Zallan, auto batek eta kamioi batek talka eginda
Hildakoa turismoaren gidaria da, 51 urteko gizona; haren bidaiaria, berriz, 48 urteko emakumea, ospitalera eraman dute.
Espainiako Gobernuak aldi baterako 1.500 harrera-plaza gaitu ditu Ceutan, migrazio-presioaren aurrean
Elma Saizek iragarri du harrera-sistema arintzeko lau gune berehala zabalduko direla, eta erakundeen arteko lankidetza nabarmendu du.
Bilboko konpartsek kuotak ezarri dituzte euskarazko musikarentzat txosnetan, % 27 baino ez dela egiaztatu ondoren
Konpartsek kanpaina bat aurkeztu dute jaietan euskararen erabilera indartzeko, eta txosnetan euskarazko musikaren proportzioa handitzeaz gain, beste aldaketa batzuk ere egin dituzte erabilera areagotzeko.
Zuia egoera larrian dago ur faltagatik, eta zisterna-kamioiak eskatu dizkio Aldundiari
Udalak igerilekuak betetzea, baratzeak eta lorategiak ureztatzea eta ibilgailuak garbitzea debekatu du, Baias ibaiaren ur-emaria jaisten ari delako.
Tessy Ebosele euskal atleta biral egin da sareetan "iruzkin krudelak" salatu ostean
Tessy Ebosele atleta arabarra, birala egin da Europako Atletismo Txapelketan parte hartu ondoren egindako adierazpenengatik. Gasteizen bizi den luzera-jauzilariak gogor kritikatu du atletek sare sozialetan jasotzen dituzten iruzkin negatiboak, eta esan du halako mezuek sekulako eragina dutela lehiatzerako orduan. Malkoak begietan, argi baino argiago hitz egin du.
Llantenoko sutea itzaltzeko lanean jarraitzen dute, garrak kontrolpean hartu ondoren
Laudioko, Langraizko eta Espejoko parkeetako suhiltzaileak, Nekazaritza Brigadako kideak, basozainek gidatutako bulldozerrak eta Larrialdietako helikopteroa lanean ari dira.