Aldaera britainiarraren 94 kasu atzeman dituzte dagoeneko EAEn
Gotzone Sagardui Eusko Jaurlaritzako Osasun sailburuak astelehen honetan azaldu duenez, covid-19aren aldaera britainiarraren kasuek gorantz jarraitzen dute EAEn eta jada 94 dira atzemandako kasuak (joan den ostiralean 60 ziren). Aldaera honen kutsatze maila "oso altua" dela gogorarazi badu ere, txertoak eraginkorrak direla baieztatu du sailburuak.
Onda Vasca irratiari eskainitako elkarrizketa batean, Sagarduik esan du orain covid-19aren aurkako txertoen dosi nahikoa izango ote den edo ez, horrek kezkatzen duela; izan ere, dosi kopurua ziurtasun osoz jakin gabe, "zaila" da planifikatzea, nahiz eta horiek emateko "estrategia" eta "gaitasuna" izan. Halaber, bigarren txerto dosiak gordetzearen estrategia, hau da, "Euskadiren estrategia", "egokia" izan dela frogatu dela esan du.
Sagarduiren arabera, astelehen honetan EAEk Moderna farmazia-etxearen 2.400 dosi jasotzea espero du, eta astean zehar Pfizerren txertoaren 14 "erretilu", 15.600 txerto-dosirekin. Dena dela, horiek esku artean izan arte ezin da ziurtzat eman.
Aldaera britainiarrari buruz galdetuta, sailburuaren aburuz txertoak eraginkorrak dira aldaera horren aurrean. Sagarduik dio EAEn gero eta jende gehiagori atzeman diotela aldaera hori, eta kutsatzeak saihestea dela gakoa. Gainera, Osakidetzak kasu positibo guztien % 20 aztertzen dituela azaldu du, aldaera hori duten edo ez jakiteko.
EAEko egoera "kezkagarria" dela onartu du eta positibotasun tasa oraindik "nahi baino urrunago" dagoela esan du. Laguntza sistemak "erreakzionatzeko gaitasuna" du oraindik, baina egoera "zaila" da, eta otsaila "oso bizia" izango dela aurreikusi du sailburuak.
Txertaketa irregularrak
"Egoea zein zen ikusita, Eusko Legebiltzarrera joan nintzen. Hor kontatu dira kontatu beharrekoak eta hori da dagoena ", esan du sailburuak Basurtuko eta Santa Marinako ospitaleetako txertaketen polemikaz galdetuta. "Bada izan ez dena entzun nahi duenik", esan du sailburuak, eta azpimarratu du "hartu beharreko neurrioak hartu direla".
Oposizioak bere dimisioa eskatu ostean, Iñigo Urkulluren babesa duen galdetuta, esan du kargua hartu zuen unetik "lehendakariaren esanetara" dagoela, gainerako kideen moduan.
"Hemen nago, gaur astelehena da, gu aurrera goaz txertaketa prozesuarekin. Alderdiak egin dituen adierazpenak argiak eta laburrak direla uste dut, eta, beraz, gaur ere, egun hauetan guztietan egin dudan bezala, Osasun sailburu gisa lanean jarraituko dut", azaldu du atzo Andoni Ortuzar EAJko presidenteak, Sagarduik " zalantzarik gabe "bere postuan jarraitu ahal izango duela" adierazi eta ordu gutxira.
Zure interesekoa izan daiteke
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.
Itzurun hondartza, mikroplastikoz beteta
Azken egunotako denboraleen ondorioz, mikroplastikoz beteta agertu zen atzo Zumaiako Itzurun hondartza. Naiara Malave Euskal Kostaldeko Geoparkean lan egiten duten Begi Bistan-eko kideak azpimarratu du arazoa mundu mailakoa dela, eta azken hamarkadetako plastikoaren gehiegizko erabileraren ondorioetako bat.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, atxilotuak askotan urratzen zuen urruntze agindu bat zegoen.
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.