Aldaera britainiarraren kasuak gorantz doaz; 24 dira jada EAEn
Gotzone Sagardui Osasun sailburuak azaldu duenez, 24 dira dagoeneko aldaera britainiarrarekin kutsatutakoak EAEn, eta kopuru hori "pixkanaka" handituko dela espero dute. Ospitaleetako egoera "geroz eta larriagoa" dela gaineratu du, ospitaleratzeek gora egin baitute. Datuek ez dute hobera egiten eta astearte honetan 1.101 positibo berri atzeman dituzte EAEn.
Gobernu Kontseiluaren osteko prentsaurrekoan, Sagarduik esan du, eskura duten azken informazioaren arabera, Erresuma Batuko aldaeraren kasu berriak agertu direla. Bederatzi izatetik 24 izatera pasa dira. Momentuz datu esanguratsua ez bada ere, Sagarduik esan du "Euskadin horien eragina" pixkanaka "handitzea" espero dutela, hurbileko leku batzuetan eta Europako herrialde askotan gertatzen ari den moduan.
"Presioa EAEko ospitale guztietan nabaritzen da"
Osasun sailburuak adierazi duenez, geroz eta gehiago dira zainketa intentsiboetako unitateetan dauden gaixoak (125 EAEn), eta "arrisku eta ziurgabetasun" egoeran gaude. "Presioa EAEko ospitale guztietan nabaritzen da", gaineratu du.
Agerraldian, Sagarduik esan du Galdakaoko ospitalean, Basurtuko ospitalean eta Araba Unibertsitate Ospitalean arratsaldeko jarduera kirurgikoren bat murriztu behar izan dutela, baina hori "puntuala" dela eta programatutako jarduera ia osotasunean mantentzen dela.
"Eskura ditugun baliabide guztiak ditugu eskuragarri, bai azpiegiturei dagozkienak, bai langileei dagozkienak; beharrezkoa bada, lehentasunak jarriko ditugu, baina, une honetan, gure jarduerari eusteko moduan gaude", ziurtatu du.
Sagarduik azaldu duenez, ospitaleetan "geroz eta tentsio" gehiago dago, ospitaleratzeek, zainketa intentsiboetako unitateetako ospitaleratzeek eta lehen mailako arretako sintomak dituzten pertsonen kopuruak gora egin dutelako.
Hala ere, bost agertoki ezartzen dituen ZIUen kontingentzia plan bat dagoela gogorarazi du, eta EAE hirugarren agertokian dagoela zehaztu. Hori dela eta, oraindik "tartea" dagoela aurreratu du.
Zure interesekoa izan daiteke
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbat lagun espedientatu dituzte Gasteizko bi diskoteketan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatako segurtasun-dispositibo banatan egindako prebentzio-operatiboetan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan erreskatatu dituzte, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.