Astelehen honetan Moderna txertoaren 2.400 dosi jasotzea espero du Euskadik
Astelehen honetan, Moderna konpainiaren 2.400 dosi jasotzea espero du Euskadik, hasiera batean aurreikusitakoa baino egun batzuk geroago, Gotzone Sagardui Osasun sailburuak iragan asteartean iragarri zuenez. Horiei Pfizerren beste 15.600 dosi gehitu behar zaizkie, EAEk astero jasotzen baititu.
Modernaren botikaren bigarren banaketa egiteko, egun batzuetako atzerapena izango zela jakinarazi zion Osasun Ministerioak Eusko Jaurlaritzari, sailburuak Gasteizen eskainitako prentsaurrekoan azaldu zuenez.
Txertoen sorta berria urtarrilaren bukaeran iristekoa zen Euskadira, baina azkenean astelehen honetan ekarriko dituzte.
Euskadira heldu beharreko dosi kopuruari dagokionez, Eusko Jaurlaritzaren arabera, erkidegoak 2.400 dosi jasoko ditu, hasiera batean aurreikusitakoak, Sagarduiren hitzetan. Lehenengo banaketan, urtarrilaren 13an, Modernaren 1.400 txerto iritsi ziren Euskadira.
Sailburuak esandakoaren arabera, Modernaren bidalketa jaso ondoren, osasun profesionalei txertoa emateko protokoloa aplikatzen jarraituko dute, Osakidetzak ezarritako "ordena" beteta.
Bigarren bidalketa
Modernaren txertoaren 52.000 dosi igandean heldu dira Espainiara, eta astelehen honetan banatuko dituzte penintsulan, Osasun Ministerioak ohar batean jakitera eman duenez. Esan bezala, Modernaren bigarren bidalketa da; izan ere, 35.700 dosi urtarrilean iritsi ziren.
Konpainiak ezarritako plangintzaren arabera, orain 520 kutxa heldu dira, bakoitzean 100 dosi, Ministerioak gaineratu duenez.
Dosi kopuruak gora egingo du pixkanaka-pixkanaka, otsailaren amaieran 600.000 jaso arte, Modernarekin itxitako akordioaren arabera.
Modernaren txertoak RNA mezularia erabiltzen du, eta bi dosi hartu behar dira, BioNTech/Pfizer botikaren antzera.
Ministerioak gogorarazi duenez, Modernaren dosiei Pfizerreko beste 1.779.570 gehitu behar zaizkie otsailean. Honenbestez, bi konpainietako 2.340.000 dosi baino gehiago banatuko dira Estatuan.
Zure interesekoa izan daiteke
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.