Txertaketa protokoloa aldatu dute, dosien erabilera desegokiak polemika sortu ondoren
Osasun zentroetan dosien erabilera desegokia saihesteko txertaketa kanpainaren protokoloa aldatu du Eusko Jaurlaritzako Osasun Sailak. Horrela, sindikatuetako ordezkariak zerrendaren azkenean jarri dituzte, eta gaixotasuna gainditu duten profesionalen txertaketa atzeratu dute.
Urtarrilaren 27an aldatutako protokolo berria gaur eman dute argitara. Santa Marinako eta Basurtuko ospitaleetan izandako irregulartasunen ostean, eman dute jakitera. Bi ospitale horietako zuzendariak kargutik kendu edo dimisioa eman zuten. Santa Marinan langile guztiei txertoa eman zieten, sindikatuetako ordezkariak, erlijiosoak, eta kafetegiko, vending enpresa bateko eta posta konpainia bateko beharginak tartean.
Santa Marinako ospitalean, CCOOk bere ordezkaria kargutik kendu zuen. ELAk eta UGTk, ostera, euren ordezkariek dosia hartu izana defendatu zuten.
Kasu horiek errepikatzea saihesteko, sindikatuetako ordezkariak “lehentasun zerrendaren azkenean” izango dira aurrerantzean, baita pazienteak artatzen ez dituzten profesional guztiak ere, protokoloaren arabera.
Bestalde, duela gutxi covid-19 gaixotasuna gainditu duten Osakidetzako langileen txertaketa gutxienez 6 hilabete atzeratzea gomendatu dute, batez ere 55 urtez azpikoen eta arrisku baldintzarik ez dutenen kasuan.
Osakidetzak azaldu duenez, “egungo dosi eskuragarritasunaren” ondorio da erabaki hori, eta kutsatu ostean gehienetan immunitatea lortzen dela “bistakoa” delako.
“Printzipioz, covid-19aren aurkako txertoa eritasuna gainditu edo sendatu direnei emateko kontraindikaziorik ez dago”, Sailak zehaztu duenez. Hala ere, txertaketa atzeratzea beharrezkoa dela uste du.
Osasun zentro batean dosiak soberan daudenean, une horretan arretako lehen lerroan lanean ari direnei emango dizkiete: “berehalako eskuragarritasuna eta boluntarioak daudenean”.
Aldi baterako lanerako ezintasuna, eszedentzia edo beste jarduera etenen bat duten langileei ez zaie txertoa eskainiko. Lanera itzultzen direnean txertoa jarriko diete, gainerako beharginekin jarraitutako ordena errespetatuz.
Erizaintza eta medikuntza ikasleei dagokionez, praktikak egiten ari diren zentroetako lankideekin batera deituko diete.
Txertaketan orain arte atzemandako irregulartasunek polemika eragin dute. Horrela, besteak beste, Debabarrenako ESIko bi zuzendarik dimisioa eman dute, eta Eusko Legebiltzarreko oposizioak Gotzone Sagardui Osasun sailburuaren dimisioa eskatu du.
Zure interesekoa izan daiteke
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.