Klinika pribatuetako osasun langileak lehen fasean txertatzea eskatu du SATSEk
SATSE sindikatuak Quiron Poliklinika Gipuzkoako eta Bilboko IMQ Zorrotzaurre ospitaleko osasun langileak lehen fasean covid-19aren kontra txertatzea eskatu dio Eusko Jaurlaritzari.
"Osasun pribatuko profesionalak ere SARS-CoV-2-ren kontrako borrokan ari dira, baina ez dituzte txertaketa estrategiaren lehen fasean sartu, eta ez dira antidotoa jasotzen ari, lehen lerroan jarduten duten arren", adierazi du sindikatuak.
Bi klinika pribatu horietako profesionalen ustez, txertatzerakoan "berdintasun, elkarrekikotasun eta gardentasun printzipioak lehenetsi behar dira".
"Printzipio horiek ez dira errespetatzen ari, lehen lerroan dauden gure profesionalak immunizatzen ari ez direlako. Osakidetzan unitate eta zerbitzu berdinetan ari diren profesionalekin alderatuta, oso trataera ezberdina ematen ari zaie", azaldu dute.
SATSEren aburuz, "osasun zentroetan, pribatuetan zein publikoetan, lan egiten duten beharginak kutsatzea saihestu behar da. Horregatik Gotzone Sagardui Osasun sailburuari ezberdintasunak egiteari uzteko eskatzen diogu".
Bi klinika pribatu horietako ordezkari sindikalek gogorarazi dutenez, pandemia hasi zenetik Osakidetzaren "esanetara izan dira gaixoak hartzeko, ebakuntzak egiteko edota ZIUetan hartzeko, betiere osasun publikoaren egoera hobetzeko".
"Amorragarria da otsailera heltzea eta osasun pribatuko langileon txertaketa plana airean egotea. Osasun Sailari egoera zuzentzeko eskatu diogu, asteon zentro pribatuetan lehen lerroan ari diren erizainak txertatzen has dadin, berdintasun, elkarrekikotasun eta gardentasun printzipioei jarraiki", galde egin dute.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.