Covid-19ari buruzko gezurren bidez erabiltzaileen datuak bildu nahian ari dira
INCIBEk (Espainiako Zibersegurtasun Institutu Nazionala) jakinarazi duenez, WhatsApp bidez zabaltzen den mezu-kate bat identifikatu berri dute. Bertan, ustez, espainiar Gobernuak laguntzak ematen ditu covid-19 delakoagatik; baina erabiltzaileen datu pertsonalak lapurtzen saiatzeko iruzur bat da.
WhatsApp bidez zabaldu den iruzur horretan, covid-19aren aurrean, espainiar Gobernuak ustez eskudiruzko bonuak eta Elikagai Txartelaren Programaren erosketa-aginduak ematen ditu.
Mezu horrekin batera, esteka bat ageri da, erabiltzailea web orri batera birbideratzen duena. Bertan, datu pertsonalak eskatzen dira, eta inkesta bat osatu behar da, ustezko elikadura-txartela lortu ahal izateko.
Behin inprimakia eta inkesta beteta, erabiltzailea beste orri batera bidaltzen da, eta orri horretan prozesuarekin amaitzeko 10 talde edo laguni WhatsApp bidez mezua bidaltzeko eskatzen zaio. Horrela zibergaizkileak erabiltzailearen datu pertsonalak lortzen ditu, eta, gainera, katea zabaltzen bada, kontaktuen datuak ere eskuratzen ditu.
Biktima izan naiz. Zer egin dezaket?
Gisa honetako mezu bat jaso baduzu, estekara sartu bazara eta zure datu pertsonalak eman badituzu (izena, adina eta telefono-zenbakia), eta informazioa WhatsAppeko zure kontaktuekin partekatu baduzu, adi egon eta monitorizatu aldian behin Interneten zuri buruz argitaratuta dagoen informazioa, zure datu pribatuak zure baimenik gabe erabiltzen ari ez daitezen.
Egosurfing delakoa egin ondoren (hau da, zure izena eta beste datu pertsonal batzuk Interneten bilatu ondoren), gustuko ez duzun zerbait aurkitzen baduzu edo zuri buruzko informazioa behar bezala eskaintzen ari ez bazara, zure datu pertsonalak eskuratzeko, zuzentzeko, aurka egiteko eta ezabatzeko eskubideak balia ditzakezu. Datuak Babesteko Espainiako Agentziaren jarraibideak emango dizkizu.
Gainera, zure kontaktuei gertatutakoa jakinaraztea komeni da, eurek ere mezua faltsua dela jakin dezaten eta kasurik egin ez dezaten, eta noski, biktima izan ez daitezen. Garrantzitsua da erabiltzaileak desinformatzea eta engainatzea helburu duten eduki horiek geldiaraztea.
Nola ekidin horrelako iruzurrak?
- Sekula ez sakatu kate-mezu mota horiek dituzten esteketan.
- Mezurik ez birbidali informazioa iturri ofizialetan kontrastatu aurretik.
- Zalantzarik izanez gero, kontsultatu zuzenean inplikatutako erakundearekin edo konfiantzazko hirugarrenekin.
Amaitzeko, gogoratu horrelako gertaerak Estatuko Segurtasun Indar eta Kidegoetan sala ditzakezula, eta informazio gehiago behar izanez gero, INCIBEren Zibersegurtasuneko Laguntzarako telefonora dei dezakezu (017, doakoa eta konfidentziala).
Zure interesekoa izan daiteke
Kantauri itsasoko ura 25,2 graduan dago, inoiz baino epelago
Ekainean, normalean, itsasoko ura 18 graduren bueltan egoten bada ere, gaur, ekainaren 24an, Donostiako Aquariumean egindako neurketak Kantauri itsasoko ura 25,2 gradutan dagoela erakutsi du, inoiz baino beroago.
Anne Baskaran Egido gasteiztarraren "Zuriaren, zure, gure... jaiak" izango da aurtengo Gasteizko jaietako kartela
Egileak azaldu du kartelak "Gasteizko jaiak bizitzeko dauden modu anitzak" islatu nahi dituela.
Ertzaintzak Euskadin erregistratutako gorroto delituak % 18 jaitsi dira 2025ean
Kasu horiei buruzko txostenaren egileek jaitsiera hori tentuz interpretatzeko eskatu dute, delitu asko ez baitira salatzen.
Sanferminek 516 ekitaldi izango dituzte, eta protagonismo handiagoa hartuko dute aurten haurrek eta auzoek
Asteazken honetan aurkeztu dute egitarau ofiziala, askotarikoentzako musika, jolasak, erakusketak, su artifizialak, kirol jarduerak, antzerkia, kalejira, ganadu-feria eta prozesioa biltzen dituena. Txupina uztailaren 6an jaurtiko dute, eta festak eztanda egingo du hilaren 14ra arte.
Bilbok badu kartela Aste Nagusirako: "Besarkada urdin bat Bilborentzat"
Juan Manuel Martinez Rodriguezen obra abuztuaren 22tik 30era ospatuko den Bilboko Aste Nagusiaren irudi ofiziala izango da.
"Naruto" anime japoniar arrakastatsua, estreinakoz euskaraz, EITBren PRIMERAN plataforman
Ostegun honetan, ekainak 25, estreinatuko ditu PRIMERANek lehen bost atalak. Guztira 52 kapitulu eskainiko ditu, ostiralero bost berri, lehen aldiz euskaraz bikoiztuta. Estreinaldiaren bezperan, EITBk aurrestreinaldi esklusiboa antolatu du Bilboko egoitzan. Gaur izango da, 18:00etan, Multibox aretoan, eta lehen lau atalak izango dira ikusgai.
"Ihesi, norbera izateko": Trumpen Amerikatik ihes egin eta Euskal Herrian bizi diren transen familien testigantzak jaso ditu EITBk
Seme-alaba transak dituzten zenbait familiak Estatu Batuak utzi eta Euskal Herrira etorri dira. EITBk haien lekukotasunak bildu ditu Ihesi, norbera izateko dokumentalean. Lehenengo erreportajeak asteazken honetako albistegietan ikusi ahal izango dira.
Osakidetzak eTXERTOA ezarri du txertoen kontrola eta segurtasuna hobetzeko
Sistema Bilbo-Basurtu ESIko zenbait zentrotan probatzen ari dira, eta txerto bakoitzaren funtsezko datuak automatikoki erregistratu ahal izango dira eman aurretik.
Bi pertsona zauritu dira Leioako ostalaritzako lokal batean izandako gas-leherketa baten ondorioz
Gertakariaren ondorioz, kaltetutako eraikineko bizilagunak etxetik atera behar izan dituzte, eta udal-teknikariak kalteak ebaluatzen ari dira, Iparragirre kalean.
Zalduondoko (Araba) baso-sutea kontrolatzen saiatzeko lanean jarraitzen dute
Gaur goizaldean Galarreta mendiaren goialdean, Zalduondon (Araba), piztutako baso-suteak aktibo jarraitzen zuen 21:00etan, eta suhiltzaileek sua itzaltzeko lanean jarraitzen dute, Foru Aldundiko iturriek jakitera eman dutenez.