Calvok uste du Trans Legeak "espainiarren nortasun irizpidea" urratu dezakeela
Carmen Calvo Espainiako Gobernuko lehenengo presidenteordeak espero du akordio batera iritsiko direla gobernukideekin, hau da, Unidas Podemosekin, Trans Legea delakoaren inguruan, baina zalantzak agertu ditu genero autodeterminazioaren inguruan.
"Bereziki kezkatzen nau borondate edo nahi hutsarekin generoa aukeratzeko planteamenduak, gainerako 47 milioi espainiarren nortasun irizpidea arriskuan jartzen duelako; horrek berme batzuk izan behar lituzke", adierazi du Calvok Cadena Ser Catalunya irrati katean.
Horren harira, eta 16 urtetik beherakoek mediku txostenik gabe sexua aldatzeko aukera izateari buruz, Calvok esan du zailtasun bakarra ez dela adina, baizik eta "dagoeneko badauden eskubide batzuekin batera indarrean egongo diren eskubide berriak sortzea".
"Ez da adina bakarrik, eta adingabeekin lotutako kontuak bereziki babestu behar dira, baina eskubideak sekula ez dira absolutuak demokrazian, beti dituzte mugak, denek dituzte talkak besteekin", azaldu du presidenteordeak, dituen kezkak onartu aurretik.
Carmen Calvok errefusatu egin du Unidas Podemosen lege proiektuak oinarri okerra duenik, baina berretsi du "gai korapilatsua eta garrantzitsua" dela, "kolektibo batek babesa eskatzen duelako".
Era berean, goraipatu egin du PSOEk berdintasun arloan onartu duen lege kopurua. "PSOEk egin ditu herrialde honetan egin diren berdintasun lege guztiak, eskuindarrek beti jo dute horien aurka, eta guztiak igaro dira Auzitegi Konstituzionalaren aurretik, horrek oniritzia eman aurretik", gaineratu du.
Zure interesekoa izan daiteke
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.
Kolon eta ondesteko minbiziaren baheketak erdira murriztu du hilkortasuna Euskadin
Biogipuzkoako eta EHUko ikertzaileak buru ditu ikerketak eta JAMA Network Openen argitaratu dute. Horren arabera, kolon eta ondesteko minbiziaren baheketaren programak % 50 murriztu du hilkortasuna 50 eta 69 urtekoen artean, bi hamarkadatan.
2.200 bat emakumeri eraso die gizon bikotekideak edo bikotekide ohiak, Euskadin, 2026ko lehen seihilekoan
Emakunderen arabera, % 7 igo da 2025aren aldean. Familia barruko indarkeriaren biktimen kopurua % 20 hazi da Araban, eta erasoa jasan duten biktimen kopurua % 10 igo da Gipuzkoan.
Bi pertsona zauritu dira A-8an, trafiko-istripu batean, Muskiz parean, Kantabriarako noranzkoan
Istripua bi kilometroko auto-ilarak eragin ditu. Kantabriarako zirkulazioa 236. irteeratik bideratzen ari da.
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoa pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.
Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".