Inauteriengatik kezkatuta, udalak ardura eta zuhurtzia eskatzen ari dira
Euskal Herriko udal ezberdinek informazio-kanpainak abiatu dituzte, koronabirusaren pandemiak eragindako larrialdi-egoeraren ondorioz aurten inauteriak ospatu ezin direla gogoratuz eta herritarrei segurtasun-neurriak zorrotz bete ditzatela eskatuz.
Tolosako Udalak joan den astean iragarri zuen inauteriak bertan behera uzteko erabakia eta gaur bideo bat argitaratu du neurri murriztaileak betetzearen garrantzia azpimarratuz.
"Birusak pertsona asko eraman ditu, jarduera ekonomikoari kalte egin dio eta gure ohiturak aldatu ditu. Egunero saiatzen gara aurrera egiten, gure eta guztion osasuna bermatzeko, eta horregatik aurten ezinezkoa izango da inauteriak ospatzea, denok zuhurtziaz eta arduraz jokatzen jarraitu behar dugulako", aipatzen da bideoan.
Elkar zaintzeko eta babeste deia egiten du, "ondorioak larriak" izan daitezkeela ohartarazita. Alabaina, itxaropenerako mezu bat ere igortzen du: "Etorriko dira garai hobeak eta elkarrekin ospatuko ditugu 2022ko inauteriak".
Ertzaintzaren kontrolak Mundakan
Bestalde, Mikel Bilbao Mundakako alkateak jakinarazi du inauteriak bertan behera utzi dituztela eta Ertzaintzak kontrolak jarriko dituela udalerrian kanpoko inor sar ez dadin.
Ohar bidez, alkateak azpimarratu du erabakia herriko elkarte eta eragile kultural guztiekin batera adostu dutela eta herritarrei jai alternatiborik ez antolatzeko dei egin die.
"Osasun egoera honetan ezinezkoa da lagunartean bazkariak egitea edo kaleetan desfile jendetsuak antolatzea", gogoratu du.
Bizkaiko beste hainbat udalerrik ere bertan behera utzi dituzte inauteriak, tartean Lekeitiok eta Ondarroak.
Zure interesekoa izan daiteke
Auto-ilarak AP-8 autobidean, Basaurin, Donostiarako noranzkoan, istripu baten ondorioz
Ezbeharra trafiko-arazoak sortu ditu AP-8ko hainbat puntutan, bereziki Malmasingo tuneletan.
Albiste izango dira: Maialen Mazonen ustezko hiltzailearen aurkako epaiketa, Zubietako espetxearen gaineko eskumena aldatzea eta Ekain Ricori elkarrizketa Radio Euskadin
Gaurkoan Orain-en albiste izango direnen laburpena, bi hitzetan.
Gaur goizean hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Gorpu bat agertu da Zaratamoko Arkotxa auzoan, errepide ondoan
Igande arratsaldean aurkitu dute gorpua, abandonatutako hainbat industria-pabiloiren ondoan. Ertzaintzak ikerketa abiatu du gertatutakoa argitzeko.
Israelek "nazioarteko zuzenbidea urratu" duela salatu dute Iruñean
Elkarretaratzean, atxilotutako bi ekintzaileak askatzeko eta ontziei Gazara iristen eta laguntza humanitarioa ematen uzteko eskatu dute, besteak beste.
Putzu handiak egin dira Jundizko industrialdean euriteen ondorioz eta urak trenbidea zein errepideak hartu ditu
Iluntzean Gasteizen bota duen erauntsiak putzu ikaragarriak sortu ditu Jundizko industrialdean. Irun eta Madril lotzen dituen trenbideko zati bat urak hartu du. Industrialdeko errepideak ere hartu ditu urak, eta ibilgailuak kontu handiz igaro behar izan dute bertatik.
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.
Astelehenean epaituko dute Baionako bestetan Eric Courdyren hilketagatik auzipetutako Jerome Verin boxeolari ohia
2024ko uztailaren 11n, Baionako bestetan, Eric Courdyri eraso egin zion Jerome Verin boxeolari ohiak, eztabaida baten ostean, autobus geraleku batean. Sei egun koman eman ondoren hil zen Courdy.
Foruzaingoak aisiarako bederatzi lokal erregistratu ditu Iruñerriko bost udalerritan
Operazioan, 20 akta ireki dituzte, drogak konfiskatzeagatik, eta hiru pertsona salatu dituzte, erresistentzia eta desobedientzia egotzita, eta beste bi, debekatutako armak eramateagatik.
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean, eta kiroldegira joan behar dute garbitasunetarako. Oinarrizko zerbitzu horiek lehenbailehen berreskuratzeko, buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.