Hasi da eguneko zentroetako langileen txertaketa EAEn
Araba, Gipuzkoa eta Bizkaiko eguneko zentroetako langileei covid-19aren kontrako txertoa jartzen hasi da gaur Osakidetza. AstraZenecaren txertoa jartzen ari dira 55 urtetik beherako beharginei. Aurreikuspenen arabera, udaltzainei eta etxez etxeko laguntzako langileei jarriko diete ondoren britainiar farmazia-enpresaren dosia.
Aldundiekin elkarlanean hasi dute txertaketa eguneko zentroetan, Osasun Sailak hala eskatuta. Besteak beste, eta prozesua azkartze aldera, lurralde bakoitzeko zentroetako langileak ari dira txertoa jartzen, DYA elkarteko beharginen laguntzarekin.
Egoitzetan bizi ez diren 80 urtetik gorako herritarren txertaketari dagokionez, berriz, Gotzone Sagardui Eusko Jaurlaritzako Osasun sailburuak esan du datorren astean hasiko direla kolektibo horri txertoa jartzen; 100 urtetik gorakoekin ekingo diote prozesuari. Orotara, 80 urtetik gorako 152.000 pertsona inguru bizi dira Euskadin adinekoen egoitzetatik kanpo.
Halaber, Sagarduik baieztatu zuenez, Osakidetzan lehen lerroan lanean ari diren langile guztiak ezin izan dituzte txertatu, EAEra ez baitira Pfizer eta Moderna etxeen "behar beste txerto" iritsi. Osasun zerbitzu publikoko beharginen % 45ek jaso dute txertoa orain arte. Aste honetan, bestalde, arlo pribatuan lehen lerroan ari diren langileak txertatzen hasi dira.
Hain zuzen, Pfizerren eta Modernaren 132.000 dosi jaso ditu Osakidetzak kanpaina hasi zenetik, eta horietako 24.000 gordeta ditu, lehen txertoa jaso dutenei bigarren txertoa "bermatzeko".
Lehen 20 langileak txertatu dituzte Gipuzkoan
Donostiako Nuestra Señora de las Mercedes eguneko zentroan ekin diote txertaketari. Han, 20 bat langilek jaso dute AstraZenecak garatutako txertoaren lehen dosia. Langile horiek guztiak 55 urtetik beherakoak dira.
Astelehenetik aurrera, Gipuzkoako eguneko beste 63 zentrotara zabalduko dute txertaketa, Foru Aldundiak ohar baten bidez jakitera eman duenez.
Bigarren dosia, protolokoa betez, 10-12 aste barru jarriko diete.
100 urtetik gorako 1.800 pertsonaren txertaketa
Osakidetza adineko pertsonak txertatzen hasiko da datorren astean. 80 urtetik gorako pertsonen kolektiboa oso zabala da Euskadin: 160.000 lagun baino gehiago. Hori dela eta, txertoa adin tarteen arabera mailakatuko da, eta zaharrenetatik hasiko dira: 100 urtetik gorako pertsonak. Euskadik 1.800 pertsona inguru ditu adin tarte horretan.
Osakidetza telefonoz jarriko da harremanetan pertsona horiekin, osasun-zentroen bidez, hitzordua planifikatzeko, Osasun Sailak ohar batean azaldu duenez. "Txertatu zaitez – Babestu nazazu" leloa izango du kanpainak.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.