Honelakoa izango da Euskal Autonomia Erkidegoko irakasleen txertaketa

Hezkuntzak lehentasuna emango die Haur Hezkuntzako eta Hezkuntza Bereziko irakasleei.

HHko eta Heziketa Bereziko 15.000 profesional txertatuko dituzte bihartik aurrera

N. B. | EITB MEDIA

2021/02/25 - 13:12

Azken eguneratzea

2021/02/26 - 08:17

Gaurtik aurrera, Osakidetzak 6B taldeko pertsonak txertatuko ditu, eskola publikoan lan egiten duten 55 urtetik beherako irakasleak eta irakasle ez direnak, baldin eta maskara erabiltzen ez duten ikasleekin harremanetan badaude: Haur Hezkuntza, Hezkuntza Berezia, ikasgela egonkorrak eta jantokiko begiraleak.

Ondoren, itunpeko eskolako irakasleei, eskola pribatuari eta 0 eta 3 urte bitarteko etapan lan egiten duten langileei txertoa jarriko zaie (12.000 guztira), Eusko Jaurlaritzako Hezkuntza Sailaren arabera.

LSB-USO Hezkuntza Irakaskuntza Federazioak adierazi duenez, ikastetxeek dagoeneko egin dituzte egoera horretan dauden langileen zerrendak, eta bi ordutegitan deituko dituzte txertaketa-hitzordura, 08:00etatik 08:30era eta 16:30etik aurrera, Mutualiako zentroetan. Txertaketa guztiz borondatezkoa da.

Txertoa jasoko duen hurrengo taldea (6C) Lehen eta Bigarren Hezkuntzako irakasleak izango dira.

6. taldeko langile guztiek (poliziak eta irakasleak) AstraZeneca txertoa jasoko dute.

Oraingoz, 55 urtetik gorako langileek ez dute txertoa jasoko, nahiz eta maskara erabiltzen ez duten ikasleekin harremanetan egon, LSB-USO sindikatuak salatu duenez.

Osasun Sailak zazpi txertaketa-talde ezarri ditu, pertsona ahulenei eta kutsatzeko arriskua dutenei dosiak inokulatzeko.

Arrisku-taldearen arabera emandako txertoak

Euskadiko zentro soziosanitarioetako egoiliarren eta profesionalen % 91,5i covid-19aren aurkako bigarren dosia jarri diete dagoeneko, eta ehuneko hori % 28,5era jaisten da Osakidetzako profesionalen kasuan, Osasun Sailaren datuen arabera.

Asteazkenera arte, Euskal Autonomia Erkidegoak koronabirusaren aurkako 195.560 txerto jaso ditu: Pfizerren 149.760, Modernaren 7.900 eta AstraZenecaren 37.900.

Bigarren dosia emateko gorde dituzte Pfizerren 22.236 txerto, Modernaren 2.950 eta AstraZenecaren 18.950; beraz, guztira 44.136 dosi erreserbatu dituzte. Aste honetan, Pfizerren 16.830 dosi, Modernaren 650 eta AstraZenecaren 10.000 banatu dituzte.

Osakidetzako profesionalek 119.320 txerto jarri dituzte orain arte: Pfizerren 112.652, Modernaren 4.749 eta AstraZenecaren 1.919. Guztira, 45.866 pertsona daude pandemiaren aurka immunizatuta txertoaren bigarren dosia jaso ostean (45.189ri Pfizerrena jarri diete eta 677ri Modernarena).

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

Albiste gehiago gizartea

san martin unx nafarroa sutea incendio navarra efe

Baso-suteak sortzeko arrisku "handia" eta "oso handia" Nafarroan

Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.

VITORIA, 20/06/2025.- Un incendio ocurrido este viernes en la fábrica del productos de higinene personal LEA, en Vitoria, ha causado llamaradas de varios metros de altura y una densa columna de humo que es visible desde toda la ciudad. EFE / L. Rico

Gasteizko Udalak "itzalitzat eta erabat kontrolatutzat" jo du LEA fabrikan izandako sutea

Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.

EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian

Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.

Gasteizko LEA enpresaren lantegiko sutearen aireko irudiak

Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.

"6 edo 7 leherketa izan dira, baina bat oso handia izan da eta eraikin osoa dardarka jarri du"

Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.

Sutea piztu da LEA fabrikan, eta Arabako hiriburu osotik ikus daiteke kea

Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.

LEAko langilea: "Shock egoeran gaude, eta ez dakigu zer gertatuko den gure lanpostuekin"

Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.