Jostailu faltsu eta arriskutsuak, Bizkaiko txinatar biltegien % 97n
Guardia Zibilak eta Zerga Administrazioko Estatu Agentziak jostailu faltsu eta arriskutsuak aurkitu dituzte Bizkaiko biltegi txinatarretan egin dituzten ikuskapenen % 97n, Espainiako Gobernuaren Ordezkaritzaren arabera.
2020ko azarotik 2021eko otsailera bitartean egin zituzten ikuskapen horiek, Europoleko eta beste bost herrialdetako (Erresuma Batua, Estatu Batuak, Norvegia, Suitza eta Islandia) LUDUS operazioaren baitan.
Bizkaian, handizkako 61 establezimendu ikuskatu, eta merkaturatu ezin diren edo faltsututa dauden 26.166 jostailu eta laser-erakusle atzeman dituzte, segurtasun-araudia ez betetzeagatik. Produktu horien guztien balioa 36.000 eurokoa da.
Gainera, debekatutako armak, lehergailu piroteknikoak eta CITES agiririk gabeko elefante hortz pare bat konfiskatu zituzten miaketetan.
Establezimenduetako arduradunei industria-jabetzaren aurkako bi delitu egotzi dizkiete, eta 177 arau-hauste: Kontrabandoa Erreprimitzeko Legea, Kontsumitzaileen eta Erabiltzaileen Estatutua, Herritarren Segurtasuna Babesteko Legea, Gizarte Arloari buruzko Errege Dekretua, Atzerritarrek Espainian dituzten Eskubide eta Askatasunei buruzko Legea eta haien gizarteratzeari buruzko Bizkaiko Foru Aldundiaren Foru Dekretua.
Zure interesekoa izan daiteke
Sokamuturra berriro egiteak zatiketa eragin du Eibarren
Eibarren, bigantxak kalera aterako dituzte datorren astean, azken urteetan desagertua zen sokamuturrari berriro helduz. Udalerrian eztabaida erabatekoa da, aldekoen eta kontrakoen artean, eta zatiketa eragin du. Zatiketa horren erantzule egiten dute oposizioko alderdiek alkatea bera.
Sei adingabe artatu dituzte bero-kolpeen ondorioz, AP-68an, Kuartango parean, autobusak matxura izan ondoren
Arazo mekanikoa 13:10 aldera jazo da, ibilgailua Zaragozarantz zihoala, trenbidearen bazterbidean geldirik geratu denean matxura baten ondorioz. Autobusean 60 pertsona inguru zihoazen, gehienak 15 urte inguruko nerabeak.
GIB diagnostiko berantiarren kopurua % 60ra igo da Euskadin
Osasun Sailak uste du HIESaren eta STIen inguruko estigmak diagnostikoa atzeratzen duela eta kutsatzeko arriskua handitzen duela. Osakidetzarekin batera, "Parktikatu sex-carea" kanpaina abiarazi du.
1.778 ikaslek eskatu dute USaPeko euskara azterketa berrikustea
Behin betiko emaitzak datorren astelehenean argitaratuko dira. EHUko errektoreak zehaztu duenez, "ez dute baloraziorik egingo probaren emaitzari buruz"; izan ere, kalifikazioak, une honetan, "behin-behinekoak dira eta berrikuspen prozesuan daude".
Noiz jakingo ditugu USaPeko notak?
Datorren astelehenean, ekainaren 22an, unibertsitatera sartzeko probetako behin betiko notak argitaratuko dira, baina ikasleek azken aukera bat izango dute: azterketak ikustea.
500 babesgune klimatiko daude Euskadin, beroaldiei aurre egiteko
Ihobe sozietate publikoak bultzatutako ekimenari esker, 11 udalerritako eremu publikoak egokitzen dira —hala nola liburutegiak eta parkeak— itzalguneak eta gune freskoak eskaintzeko. Milioi bat pertsonari baino gehiagori egiten die mesede, eta asmoa pertsona zaurgarrienak babestea da.
San Mamesen eta garraio publikoan aldaketak egiteko eskatu zion FIFAk Bilbori
Udalak berretsi egin du 2030ean jokatzekoa den Munduko Txapelketako egoitza izan nahi duela, baina "ez edozein preziotan".
Txirrindulari bat hil da Forondan, auto batekin istripua izanda
Ezbeharra 08:50ak jo barik zeudela gertatu da, A-4306 errepideko biribilgune batetik gertu.
Osakidetzak 17 pertsona txertatuko ditu berriro Bilbon eta Lasarten, hotz-katearen akats baten ondorioz
Osasun Sailak onartu egin du EH Bilduk salatutako hotz-katearen akatsa, eta berriro txertatuko ditu kaltetuak: bost Lasarten eta hamabi Arangoitin. Rebeka Uberak gertatutakoa "ulergaitza" dela esan du, eta gogora ekarri du orain gutxi iraungitako txertoekin Osakidetzan izandako polemika.
Eibarko Udalak ezohiko osoko bilkura egingo du arratsaldean sokamuturren etorkizunaz eztabaidatzeko
Bilkura 19:00etan egingo da, eta bozketa ez da loteslea izango. Bien bitartean, ordu erdi lehenago, 18:30ean, elkarretaratzeak egingo dituzte Udaletxe kanpoan sokamuturraren aldekoek eta aurkakoek.