Pandemiak ez du arrazakeriaren aurkako aldarria isilaraziko
Koronabirusak behartutako iazko etenaren ondoren, gaur, martxoak 21, arrazismoaren kontrako aldarriak entzun ahal izango dira berriro kalean. Izan ere, Arrazakeriaren aurkako Nazioarteko Egunaren harira hamaika mobilizazio antolatu dituzte Araban, Bizkaian, Gipuzkoan eta Nafarroan. Dena dela, deitzaileek aurreratu dute osasun neurriak errespetatuz aterako direla kalera.
SOS Arrazakeria elkartetik salatu dutenez, pandemia garaian migratzaileen egoerak okerrera egin du. Elkartearen esanetan, paperik ez izateak eskubiderik gabeko infernua bizitzea dakar migratzaile askorentzat eta koronabirusak beren egunerokoa zaildu du.
Are gehiago, egoera irregularrean dauden pertsonen kopurua ere handitu egin dela diote, pandemiak eragindako lanpostu galera tarteko. Horrek, besteak beste, lan-baimen asko berritzea eragotzi du.
1966an, Nazio Batuen Erakundeak Arrazakeria Desagerrarazteko Nazioarteko Eguna izendatu zuen martxoaren 21a.
Hauek dira Hego Euskal Herriko hiriburuetan iganderako deituta dauden manifestazioak:
ARABA: Elkarretaratzea egingo dute 12:00etan Gasteizko Andre Maria Zuriaren plazan, "Paperak denontzat. Arrazismoa eta xenofobiaren aurka" lelopean.
BIZKAIA: Manifestazioa 12:00etan Bilboko Mariaren Bihotza plazan, "Arrazakeriak etxerik gabe uzten nau. Etxebizitza denontzat" lelopean.
GIPUZKOA: Arrazakeria eta xenofobiaren aurkako martxa 11:30ean aterako da Trintxerpeko azokatik eta Donostiako Boulevardean amaituko da.
NAFARROA: Arrazakeriaren kontrako manifestazioa 12:00etan hasiko da Iruñeko autobus geltokian eta, hiriko kaleak zeharkatu ondoren, Gaztelu plazan amaituko da.
Arrazakeria eta xenofobiaren aurkako martxa, Pasaiatik Donostiara
Iaz korobirusa tarteko arrazakeriaren aurkako XXIV. martxa bertan behera gelditu eta gero, antolatzaileek (SOS Arrazakeria, Medicus Mundi Gipuzkoa eta Euskadiko GGKEen Koordinakundea) berriro heldu diote martxoaren 21erako ekitaldia antolatzeari.
Urtero bezala, martxa Pasaia eta Donostia artean egingo dute. 11:30ean jarri dute hitzordua Trintxerpeko merkatuan.
Aurten 68 kolektibok egin dute bat martxarekin, orain arteko markak hautsiz. Iazko aurreikusitako leloa berreskuratu dute "Zure papera garrantzitsua da", mezua indarrik galdu ez duela iritzita. Izan ere, paperik ez duten migratzaileek beren eguneroko bizimoduan duten babesgabetasun egoera salatu nahi dute. Aldi berean, egoera horri buelta emateko herritarrak mobilizatzeak duen garrantzia nabarmendu nahi dute.
Arrazakeriaren kontrako astea Nafarroan
Martxoak 16: "Sistema Penalean eta Kartzela-sisteman dagoen Arrazakeria ikustarazten" hitzaldia Katakraken, 18:00etan.
Martxoak 17: "Egiturazko arrazakeria COVID 19aren garaian" hitzaldia Tuterako Lourdes hiritarren zentroan, 18:00etan.
Martxoak 18: "Gizartearen esku-hartzea Arrazakeriaren aurkako jarreretatik" hitzaldia Katakraken, 18:00etan.
Martxoak 21: Arrazakeriaren kontrako manifestazioa 12:00etan. Autobus geltokian hasi eta Gaztelu Plazan amaituko da.
Martxoak 22: "Arraza bazterkeria Nafarroako hezkuntzan" mahai-ingurua Katakraken, 18:00etan.
Martxoak 23: "Arraza bazterkeriaren aurreko ikastetxetako esperientziak" mahai-ingurua Katakraken, 18:00etan.
Hitzaldi guztiak zuzenean jarraitu ahalko dira.
Zure interesekoa izan daiteke
Meta eta Google, 2,6 milioi euro ordaintzera behartuta, gazte bati eragindako menpekotasunagatik
Antsietatea, depresioa edo gorputz-dismorfia dira gazteak pairatutako kalteetako batzuk. “Haurrentzat mendekotasuna sortzen duten eta kalte egiten duten produktuak diseinatzen dituzte”, adierazi du abokatuak.
Hondarribiak gaur onartuko du bere II. Berdintasun Plana, Alardearen inguruko gatazka bideratzeko neurriak jasoko dituena
Planak “emakumeen eskubideen defentsan jasandako indarkeria aitortzeko formulak" bilduko ditu.
Albiste izango dira: Korrika zuzenean, krisi energetikoaren aurkako neurriak eta hauteskunde sindikalak Ertzaintzan
Gaurkoan Orain-en albiste izango direnen laburpena, bi hitzetan.
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela adierazi du Amaya Zabarteren senarrak
Epaileak Amaya Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa soilik izan duela kontuan, lekukoen testigantzak eta frogak alde batera utzita. Probintzia Auzitegira begira itxaropentsu dago, justizia kasua hara heldutakoan iritsiko zaielakoan.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko du.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaerari eutsi dio adingabeei sexu-proposamenak egiteagatik epaitutako Irungo irakaslearentzat
Defentsak, bere aldetik, absoluzioa eskatu du, irakasleak ustezko biktimekin "adiskidetasun" harreman soila zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.