EAEn 273.126 txerto eman dituzte, eta horietako 74.217 bigarren dosiak izan dira
Araba, Bizkai eta Gipuzkoan covid-19aren kontrako 273.126 txerto jarri dituzte, eta horietako 74.217 bigarren dosiak izan dira, hau da, kasu horietan txertaketa prozesua amaitu da eta immunizatuta dauden herritarrak dira.
Eman dituzten txerto guztiak kontuan izanda, gaur kaleratutako buletinaren arabera, Pfizer/Biontechenak ziren 205.529 dosi (70.826 bigarren dosiak), 14.381 Modernarenak (3.391 bigarren dosiak), eta AstraZenecarenak 53.216.
Hala, txostenak dio zentro sozio-sanitarioetako egoiliar eta profesionalen % 99,3k jaso dutela bigarren dosia, eta portzentajea % 86ra eta % 11,8ra jaisten da, hurrenez hurren, Osakidetzako profesionalen eta osasun zentro pribatu eta osasun garraiokoen kasuan (azken kolektibo horretan % 78,5ak jaso du lehenengo dosia).
Bestalde, Ertzaintzako agente guztiek jaso dute txertoaren lehenengo dosia, bestelako zerbitzu sozio-sanitarioetako profesionalen eta erabiltzaileen % 97,7k bezalaxe. Unibertsitatekoa ez den hezkuntzaren kasuan, % 65,8k jaso dute lehenengo dosia.
Orain arte, Eusko Jaurlaritzak 360.850 txerto jaso ditu: Pfizerrenak 239.850, Modernarenak 30.800 eta AstraZenecarenak 90.200. Bigarren dosirako gordetako txertoak 37.200 dira Pfizerren kasuan, eta 2.950, Modernarenean. AstraZenecaren 37.090 dosi ere badaude erabilgarri, asteazkenean berriro txertaketari ekiteko zain.
Aste honetako aurreikuspenen kasuan, Osakidetzak Pfizerren 12.726 dosi eta Modernaren 16.103 emateko asmoa du, guztira 28.829.
Zure interesekoa izan daiteke
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.