Pfizerrek covid-19aren aurka ahotik hartzeko botika baten saiakuntza klinikoa hasi du
Pfizer enpresa farmazeutikoak (covid-19aren aurka baimendutako txerto baten fabrikatzailea) iragarri du saiakuntza kliniko bat hasiko duela Ameriketako Estatu Batuetan, ahotik hartzen den farmako baten eraginkortasuna egiaztatzeko.
Pfizerrek ohar batean azaldu duenez, PF-07321332 izeneko farmakoak in vitro ikerketetan frogatu du "SARS-CoV-2 eta beste konorabirus batzuen aurkako jarduera duen proteasa inhibitzaile indartsua dela", eta horrek esan nahi du covid-19a eta beste "mehatxu" batzuen tratamendurako “potentziala” duela.
Enpresako zientzialarien buru Mikael Dolstenen arabera, botika "infekzioaren lehen seinalea izan baino ez errezetatu daitekeen ahotiko terapia potentzial gisa diseinatu da, pazienteak ospitalean edo zainketa kritikoetan egon arte itxaron gabe".
"Covid-19aren pandemiari aurre egiteko, txertoaren bidezko prebentzioa eta birusa dutenentzako tratamendu espezifikoak behar dira. SARS-CoV-2 aldatzen ari den moduaren eta covid-19aren eragin globalaren ondorioz, litekeena da aukera terapeutikoak funtsezkoak izatea, bai orain, bai pandemia igaro ondoren", gaineratu du.
Dolstenen arabera, beste proteasa inhibitzaile bat ere aztertzen ari dira, PF-07304814 izenekoa, zain barnetik ematen dena eta "ospitaleratutako gaixoentzat tratamendu aukera berri bat" izan litekeena.
"Bi farmakoek batera potentziala dute gaixotasuna garatzen den kasuetan txertaketa osatuko duen tratamendu paradigma oso bat sortzeko", azaldu du.
Pfizerren hitzetan, ahotiko farmakoaren saiakuntza klinikoa, fase goiztiarrenean, dosi indibidualak erabiliz probatu dute, eta orain "gero eta dosi handiagoak emanez" ari dira erabiltzen osasuntsu dauden helduekin, horren "segurtasuna eta onargarritasuna" egiaztatzeko.
Zain bidezko proteasa inhibitzailearen azterketa ere fase goiztiarrean dago, eta covid-19aren ondorioz ospitaleratutako pazienteekin ebaluatzen ari da.
Proteasa inhibitzaileak
Proteasa inhibitzaileak birus batek giza zeluletan erreplikatzeko behar dituen entzimak inhibitzen dituzten farmakoak dira, eta beste patogeno biral batzuk tratatzeko erabili dira, GIBa eta C hepatitisaren birusa.
Zure interesekoa izan daiteke
Bi emakume erreskatatu dituzte Aizkorri eta Jaizkibel mendietan izandako ezbeharren ostean
Bi mendizaleak, 64 eta 70 urtekoak hurrenez hurren, helikopteroz eraman behar izan zituzten larrialdi zerbitzuek, eta ondoren ospitalera eraman zituzten.
Hiru zauritu, horietako bat larri, auto batek eta furgoneta batek talka eginda Cintruenigon
Istripua N-113 errepidean (Iruñea-Madril) jazo da, 16:39 aldera. Istripuaren ondorioz, zirkulazioa eten egin dute bi noranzkoetan, 19:25 arte.
Zuiak ur mozketak bertan behera utzi ditu
Egoerak hobera egin ostean, amaitutzat eman ditu mozketak Udalak. Hala ere, herritarrei uraren kontsumo arduratsua izateko eskatu die, mozketa berriak saihesteko.
Kirurgia robotikoa erabiliz lehen giltzurrun transplantea egin dute Gurutzetako Ospitalean
Kirurgia robotikoa hainbat ebakuntza egiteko erabili ohi da aspaldi, baina sekula ez giltzurruna transplantatzeko. Gasteizko ama-semeak dira emaile eta pazientea. Dena ondobidean, abuztuan giltzurrunen bigarren transplante bat egingo dute Gurutzetan robotaren laguntzaz.
Zortzi arrantzale eta saregile bat omendu dituzte, bizi osoa itsasoari eskaintzeagatik
Gaztetatik sakrifizio handiko lana egin duten zortzi arrantzale eta saregile baten aldeko omenaldia egin dute gaur Donostian. Gipuzkoan itsasoan lan egin duten 310 lagunek erretiroa hartu dute, eta guztien omenez eman dituzte sariak.
Donostiako Udala akusazio partikular izango da hirian delituak behin eta berriz egiten dituztenen aurkako auzietan
Jon Insasuti Donostiako alkateak esan du delinkuentziaren aurkako borroka lehentasunetako bat dutela, eta akusazio partikular izateko asmoa beste urrats bat dela. Hori bai, zehazteko dago zein kasutan emango lukeen Donostiako Udalak pausu hori.
Bost lagun atxilotu dituzte Nafarroan, bizileku-baimenak manipulatzeko sare bateko kide direlakoan
Guardia Zibilak desegindako ustezko erakunde kriminalak bizileku- eta lan-baimenak lortzeko prozesua manipulatzen zuen, diru-truk. Talde kriminaleko kide izatea, Administrazio Publikoaren aurka egitea eta immigrazio irregularra bultzatzea leporatzen zaie.
Perez Iglesias: “Milioi bat pertsona baino gehiago mugituko dira eklipsea ikusiko den inguruetara, eta hori aurreikusi egin behar da”
Juan Ignacio Perez Iglesias Zientzia, Unibertsitate eta Berrikuntzako sailburua Radio Euskadiko Boulevard saioan izan da eta, besteak beste, abuztuaren 12an Euskal Herrian ikusi ahal izango den eguzki-eklipseaz mintzatu da. Sailburuak gomendatu du jendea “oinez edo garraio publikoan joatea eklipsea ikustera”, joan-etorriek trafikoan eragin oso handia izango dutelako. Halaber, eklipsea segurtasunez ikusteko aholku zientifikoei jarraitzeko beharra azpimarratu du, eta lehen neurri gisa homologatutako eklipse-betaurrekoak erabiltzea gomendatu du.
Samina nagusi da Erronkarin, herriko hiru bizilagun Ezka ibaian itota hil ostean
Asteazken arratsaldean emakume bat eta horren bi seme adingabe hil ziren Ezka ibaian itota, eta hiru dolu-egun ezarri dituzte herrian.
Eutanasia legezko izango da Ipar Euskal Herrian ere, Frantziako Parlamentuak heriotza lagundua izateko eskubidea onartu du eta
Orain arte, 2016an onartutako Claeys-Leonetti legeak gaixotasun terminala eta bizi-pronostiko laburra zuten pertsonentzako sedazio sakon eta jarraitua ahalbidetzen zuen. Aurrez ere Asanblea Nazionalak hiru aldiz onartu zuen lege-proiektua, baina atzera bota izan du hori gehiengo kontserbadorea duen Senatuak. Hainbat aldaketa eta erreforma eginda, oraingo bozketa behin betikoa izan da.