360.464 txerto eman dituzte Euskadin, 99.853 bigarren dosian
360.464 txerto eman dituzte orain arte Euskadin, asteburuan 36.479 dosi inokulatu ostean. Horietatik, 99.853 bigarren dosiak izan dira, hau da, kasu horietan txertaketa-pauta bete da eta inokulatuak immunizatuta daude.
Oro har, astelehen honetan eguneratutako azken txertaketa-buletinaren arabera, Pfizer/Biontech enpresaren 262.862 dosi inokulatu dituzte (96.339 dosi bigarren dosian), Modernaren 15.166 dosi (3.514 bigarren dosi) eta AstraZenecaren 82.436 dosi.
Zentro soziosanitarioetako egoiliarren eta profesionalen % 99,3k bigarren dosia jaso du dagoeneko; Osakidetzako profesionalen kasuan, ehuneko hori % 90,7koa da, eta osasun-zentro pribatuen eta osasun-garraioaren eremuan, berriz, % 39,8ra jaitsi da. Kolektibo horrek lehen dosia % 81ean jaso du.
Bestalde, Ertzaintzako agenteen % 100ek (55 urtetik beherakoak) txertoaren lehen dosia jaso du, baita beste zerbitzu soziosanitario batzuetako profesionalen eta erabiltzaileen % 100ek ere (55 urtetik beherakoak), eta unibertsitatez kanpoko hezkuntzaren % 100ek ere bai (55 urtetik beherakoak).
Orain arte, 402.990 txerto jaso ditu Euskadik, horietatik 277.290 Pfizerrenak, 30.800 Modernarenak eta 94.900 AstraZenecarenak. Bigarren dosirako 37.200 txerto erreserbatu dira Pfizerren kasuan, 2.950 Modernaren kasuan eta 14.440 AstraZenecaren kasuan (kasu honetan, datozen asteetan erabiliko den stocka da).
Txertoak inokulatzeko plangintzari dagokionez, astearte honetara arte (martxoak 30) 12.722 Pfizer txerto, 13.219 Moderna txerto eta 27.234 AstraZeneca txerto ematea aurreikusi du Osakidetzak.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.