Kutsatzeak igo dira EAEn, eta intzidentzia-tasa 300etik gero eta gertuago dago
Koronabirusaren intzidentziak gora egiten jarraitzen du Euskal Autonomia Erkidegoan (EAE). Astelehen honetan, 501 kutsatze berri atzeman dituzte, eta horrek 14 eguneko intzidentzia-tasa metatua ere igoarazi du: bezperako datuekin alderatuta, ia bost puntuko hazkundea da: 100.000 biztanleko 282,45 kasutan dago, 300eko langatik gertuago.
Duela astebete, 228,32 kasutan zegoen tasa hori, eta duela 15 egun, 200eko langa doi-doi igarota. Gaur-gaurkoz, lurraldeka, horrela dago: Arabak du daturik altuena (356,7), eta ondoren ageri dira Gipuzkoa (273,4) eta Bizkaia (260,7). Lurralde guztietan egin du gora, Arabako hazkundea txikiagoa izan bada ere.
Eusko Jaurlaritzako Osasun Sailak emandako txosten epidemiologikoaren arabera, atzokoan 8.918 proba diagnostiko egin zituzten, eta horietatik % 5,6 positibo izan ziren (501).
Lurraldeka, Bizkaian atzeman dituzte kutsatze gehien (222, bezperan baino 39 gehiago), Gipuzkoan 172 zenbatu dituzte (53 gehiago), eta Araban, 97(40 gehiago). Horrez gain, EAEtik kanpo bizi diren 10 pertsonak ere eman dute positibo.
ZIUetako egoera zertxobait arindu bada ere, bezperan baino bost gaixo larri gutxiago baitaude (80), erietxera eramandako pertsonen kopurua hazi egin da (42 gehiago) eta 66 eri gehiago daude EAEko ospitaleetan.
Bada datu hoberik. Oinarrizko birsorkuntza tasa, hots positibo batek zenbat pertsona kutsa ditzakeen adierazten duen zenbakia, 1,19tik 1,15era jaitsi da. Intzidentzia-tasen arrazoia (egungo 14 egunetako intzidentzia-tasa metatua duela astebetekoarekin alderatzen du) 1,14n dago gaur ere.
Herriz herri, Legazpiko datuek okerrera egin dute azken orduetan, eta udalerri gorri bilakatu da. Horrenbestez, 5.000 biztanle baino gehiagoko bederatzi udalerri daude EAEn egoerarik latzenean.
Hiriburuei dagokienez, Gasteizen apalagoa izan da intzidentzia-tasaren igoera eta 371,2 kasutan geratu da 100.000 biztanleko. Bilbon ere hazi da, 350,3raino, eta Donostian 197,3 kasutan dago.
Zure interesekoa izan daiteke
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.