394 positibo berri atzeman dituzte Euskadin eta birsorkuntza tasa 1,11raino igo da
Euskadin covid-19aren birsorkuntza tasa (pertsona batek zenbat pertsona kutsa ditzakeen adierazten du) hamar puntu igo da azken 24 orduetan, 1,11raino; hau da, gaixo batek 1,11 pertsona kutsa ditzake dagoeneko. Araba zen igandean indize onena zuen lurraldea (0,94), baina atzo 1,13raino igo zen; atzetik ditu Bizkaia eta Gipuzkoa, 1,11rekin.
100.000 biztanleko 14 egunetan metatutako kasu positiboen tasak gora egin du astelehen honetan, eta 203,25ean kokatu da, hau da, igandean (201,98) baino bi puntu gorago, eta bost egun daramatza jarraian apurka-apurka gora egiten.
Araban izan du igoera handiena, 212,2tik 220,4ra igaro baita; Gipuzkoan, 181,9tik 182,8ra pasatu da; eta egonkor dago Bizkaian, 206,5ean.
Hiru hiriburuei dagokienez, metatutako tasak gora egin du hiruretan. Gasteizen 254,5era igo da, Bilbon 224,5era eta Donostian 95,9ra.
Horiek dira, hain zuzen ere, Euskal Autonomia Erkidegoan covid-19ak izan duen eragina zertxobait igo dela egiaztatzen duten adierazleetako bi, asteleheneko buletin epidemiologikoan jasotako azken datuen arabera.
Horrenbestez, egindako probekin alderatuta, positibotasuna hiru hamarren jaitsi da Euskadin azken orduetan: % 4,6tik % 4,3ra. Adierazle horrek, dena den, lau egun daramatza % 5etik behera, martxoaren 11n % 5,2an kokatu ostean.
Bizkaian, 187 kasu berri atzeman dituzte; Gipuzkoan, 116; Araban, 89; eta EAEtik kanpo bizi diren bi pertsonak ere eman dute positibo.
Bestalde, 98 gaixo daude zainketa intentsiboen unitateetan, aurreko egunean baino bat gehiago, eta ospitaleratze berriak 34 izan dira, hau da, igandean baino 20 gehiago. Hala ere, gela arruntetan dauden pazienteen kopurua 224ra jaitsi da, eta 236 zeuden bezperan.
Gainera, intzidentzia-tasen arrazoia (14 egunetan metatutako intzidentzia-tasa duela astebetekoarekin alderatzen duena) hazten ari da, eta 0,99 da Euskadi osoan (0,97 zen igandean).
Astearte honetan, 77 ikasgela itxi dituzte Euskadin, covid-19aren kasuren bat detektatu ostean, astelehenean baino 22 gutxiago; hau da, Haur Hezkuntzako 2 urteko gelen eta derrigorrezko hezkuntza postunibertsitarioraino dauden eskolen % 0,44.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.