Positiboek gora egin dute berriro Nafarroan, 182 zenbatzeraino
Goranzko joera ezin etenda jarraitzen du Nafarroak. Izan ere, 182 positibo zenbatu dituzte astelehen honetan, Foru Erkidegoak emandako behin-behineko datuen arabera.
Zehazki, atzokoan 2.606 proba diagnostiko egin zituzten (bezperan baino 893 gehiago) eta horietatik % 7,1 positibo izan ziren. Hala bada, positibotasun tasa apur bat jaitsi da (% 8,3koa zen aurreko egunean).
Bezperan baino 40 gehiago dira, baina kezkagarriena da duela astebete baino 64 gehiago eta duela 15 egun baino 114 gehiago direla.
Kasu gehien pilatzen dituzten udalerri eta guneei dagokienez, Lodosa ageri da denen buru, 10 kutsatze atzeman baitituzte bertan. Ondoren datoz Iruñeko Donibane auzoa, bederatzirekin, eta Altsasu eta Arrotxapea (Iruñea), zortzina kasurekin. Azkenik, Arguedasen, Zizur Nagusian eta Milagron (itxiera perimetralean oraindik) zazpina positibo zenbatu dituzte.
Guztira, 121 paziente daude ospitaleetan koronabirusak jota, bezperan baino zortzi pertsona gehiago. Atzokoan, 16 ospitaleratze izan ziren. Azken orduetan ez da heriotzarik izan. Pandemia hasi zenetik 1.126 lagun hil dira.
Bestalde, positibo berriak ondoko adin tarteetan eman dira: 15 urtetik beherakoen artean % 24; 45 eta 59 urte bitartean, % 21; 15 eta 29 urte bitartean, % 20; 60 eta 75 urte bitartean, % 16; 30 eta 44 urte bitartean, % 13; 75 urtetik gorakoen artean, % 6.
Positibo berrien bataz besteko adina 38,2 urtekoa da. Guztira, 54.051 pertsona kutsatu dira.
Horrez gain, atzo, 1.594 txerto jarri zituzten. Dagoeneko immunizatzeko beharrezkoak diren bi dosiak hartu dituzten herritarrak 36.608 dira.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.