Maiatzaren 9an ospatuko da Herri Urrats, tokian tokiko ekitaldi xumeekin
Ipar Euskal Herriko ikastolek ezingo dute Herri Urrats ohi bezala ospatu, bigarren urtez jarraian, pandemia egoera dela eta. Senpereko aintziran ospakizun erraldoi bakarra egin ordez, 30 ekitaldi xumeago antolatuko dituzte maiatzaren 9rako, ikastolak dauzkaten herrietan.
Hala ere, ekimenak aurrera jarraitu du eta sareko kanpaina da nagusi aurten, 300.000 euro biltzeko helburuarekin. Seaska Iparraldeko ikastolen federazioak ikastetxe berria sortu nahi du horrela Hazparne aldean, Bigarren Hezkuntza eskainiko lukeen bosgarrena.
"Boga" da 2021eko kanpaina honen leloa, 2011. urtean Ondarroako ikastolaren Ibilaldiak erabili zuena berreskuratuz. Herri Urrats ekimena eta arrauna parekatu nahi izan dituzte horrela, kirolean bezala, "ekimena, ikastolak eta Seaska elkarlanari esker" doazelako aurrera, "denak zentzu berean". Gainera, Xiberoots talde zuberotarrak "Baga Biga Boga" abestia prestatu du edizio berezi honetarako.
Aurten ere, 2019an bezala, ezingo dira 50.000 pertsonatik gora elkartu Senperen, baina "30 Herri Urrats" izango dira. Hala, ikastola bakoitzak antolatuko du bere herriko egun sinbolikoa. Ibilaldiak, janari-salmenta edo jantzi-salmenta hautatu dituzte horietako askok eta, Herri Urratseko arduradunen esanetan, "ospakizunaren betiko osagaiak hor izango dira: euskara, giroa, janaria eta dantza".
Ikastolen aldeko urratsak
Bardozen, Lapurdi iparraldean, Seaskako 38. ikastola irekiko dute irailean, antolatzaileei Bigarren Hezkuntzako bosgarren eskola eraikitzeko itxaropena emanez. Ihintza Bidart Herri Urratseko bozeramailearen esanetan, "denon ardura da" eskola hori eraikitzea, "denek izan dezaten euskaraz ikasteko eskubidea eta aukera".
Testuinguru honetan, Frantziako Nazio Biltzarrak hizkuntza gutxituen aldeko legea onartu izana txalotu du Seaskak, baina, Hur Gorostiaga zuzendariaren hitzetan, "ez dugu esperantza gehiegirik ere sortu behar, Gobernuaren iritziaren kontra erabaki delako lege hori". Orain legea aplikatu behar duena Gobernua dela diote Seaskatik, eta "badakigu ez digula sekula oparirik egingo".
Zure interesekoa izan daiteke
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.