Adineko bat hil da covid-19ak jota Nafarroan, eta beste 155 positibo antzeman dituzte
90 urteko gizon bat hil zen atzo covid-19aren ondorioz Nafarroan, eta beste 155 positibo detektatu zituzten, 2.633 proba egin ostean. Hortaz, positibo-tasa % 5,9koa da.
Bezperan baino 16 gehiago dira, baina duela astebete (-13) eta bi aste zenbatutakoak baino (-22) gutxiago.
Lizarran batu dira kasu gehien, zortzi hain zuzen. Iruñeko Sanduzelai auzoak jarraitzen dio zazpi positiborekin. Burlatan, Funesen, Tutera Mendebaldean eta Barañainen, azkenik, seina kutsatze zenbatu dituzte.
Bestalde, atzo 219 paziente zeuden ospitaleetan, bezperan baino bederatzi gehiago. Hogei ospitaleratze izan ziren eta bi pertsona zainketa intentsiboetako unitatera eraman zituzten.
Pandemia hasi zenetik 1.146 pertsona hil dira Nafarroan eta 57.926 kutsatu atzeman dituzte.
Positibo berriak ondoko adin tarteetan eman dira: 45 eta 59 urte bitartean, % 22; 30 eta 44 urte bitartean, % 20; 15 urtetik beherakoen artean, % 20; 15 eta 29 urte bitartean, % 18; 60 eta 75 urte bitartean, % 13; eta 75 urtetik beherakoen artean, % 7. Kutsatu berrien batez besteko adina 38 urtekoa da.
Bestalde, atzo 4.386 dosi jarri zituzten. Nafarroak 219.055 txerto jaso ditu orain arte eta horietatik 194.104 jarri ditu.
Albiste gehiago gizartea
Motorzale bat larri zauritu da Bidankozen, auto batekin talka egin eta aldapa batetik behera erorita
Ezbeharra igandean jazo zen, 19:45ean, NA-2130 errepideko 8,9 kilometroan. Zauritua Nafarroako Unibertsitate Ospitalera eraman zuten, femurra hautsita zuela.
Zerura begira, San Joan bezperan
Iparraldean ostarteak zabalduko dira, baina adi hegoaldean, iluntzean trumoi-zaparradak botako ditu eta.
Bederatzi pertsona zauritu dira Galdakaon, auto batek harrapatuta
Auto erakusketa bateko hainbat ikusle zauritu dira Galdakaon (Bizkaia), parte hartzen ari zen autoetako batek harrapatuta. Zaurituak ospitalera eraman dituzte. Motor Show ikuskizunean gertatu da ezbeharra, Urreta auzoko San Joan jaietan. Dirudienez, ibilgailua kontrola galdu du, biribilgune batean irrist egin duelako, eta hesiaren atzean zeuden ikusleak aurretik eraman ditu.
Hainbat zauritu Galdakaon, auto-erakusketa batean
Ezbeharra Urreta auzoko San Joan jaietan gertatu da. Zaurituak Galdakaoko Ospitalera eraman dituzte; hala ere, gehienek ez dute zauri larririk, lehen informazioaren arabera.
Oraindik ere ikusten da ostiraleko sutearen ke arrastoa Gasteizko LEA-Lascaray enpresan
Gasteizko LEA-Lascaray enpresaren atarian hau da gaurko irudia. Oraindik ke arrastoa ikus daiteke, ostiraleko zoritxarreko sutearen ondorioz. Sugarrak kontrolpean dituzte, baina guztiz amatatu gabe daude oraindik. Enpresa erabat suntsituta geratu da, baina jabeek berreraiki egingo dutela jakinarazi dute.
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.