Janssen txertoa erabiltzeko gomendioa berretsi du Sendagaien Europako Agentziak
Sendagaien Europako Agentziak ebatzi du Janssen txertoa eta Ameriketako Estatu Batuetan atzemandako tronbosi kasuak lotuta egon daitezkeela, baina albo-ondorio ezohikoak direla ziurtatu du, txertoa segurua eta eraginkorra dela berretsita.
Horrela, bada, Janssen txertoaren fitxa teknikoan tronbosi bat pairatzea "albo-ondorio ezohikoa" izan daitekeela ohartaraziko dute aurrerantzean. Ondorio berera iritsi ziren duela bi aste AstraZenecaren txertoaren harira egindako ikerketan.
Hala ere, Emer Cooke Sendagaien Europako Agentziako zuzendariak adierazi du analisiarekin jarraituko dutela eta, ildo berean, jakinarazi du ikerketa independente bat agindu dutela txerto ezberdinen erabilerarekin lotutako tronbosi kasuen harira.
Ameriketako Estatu Batuetan 6,8 milioi dosi jarri dituzte eta zortzi tronbosi kasu izan dira. Testuinguru horretan, txertaketa gelditzea eta Europara egin beharreko dosien bidalketa etetea erabaki zuen konpainiak.
Kasu guztiak 60 urtetik beherako pertsonengan eman ziren, txertoa hartu eta hiru asteren buruan, eta gehienak emakumezkoak dira. Hala ere, Europa Agentziak ezin izan du baieztatu adina, generoa edo historia klinikoa tronbosiak izateko arrisku-faktore izan daitezkeenik.
"Osasun arloko profesionalek eta pazienteek jakin behar dute posible dela odolbilduak gertatzea txertoa hartu eta hurrengo hiru asteetan, albo-ondorio oso arraroak badira ere", erantsi du.
Edonola ere, adituek azpimarratu dute covid-19ak ospitaleratze eta heriotza gehiago eragiten dituela tronbosiak baino. "Txertoaren onurak askoz handiagoak dira albo-ondorioak pairatzeko arriskuarekin alderatuta", berretsi dute.
Ikerketaren emaitzak argitaratu ostean, Europar Batasuneko herrialdeen esku egongo da orain Janssen txertoarekin kanpaina abiatzea edo ez erabakitzea. Lehendabiziko dosiak joan den astean iritsi zitzaizkien, baina oraingoz denak gordeta dauzkate.
Alabaina, Stella Kyriakides Osasun komisarioak dagoeneko esan du ikerketaren emaitza argia dela eta, ondorioz, txertaketa kanpaina martxan jartzeko dei egin die Europar Batasuneko gobernuburuei.
Ursula von der Leyen Europako Batzordeko buruzagiak ere antzeko adierazpenak egin ditu eta kanpainarako "berri ona" dela azpimarratu du.
Janssen txertoa 18 urtetik gorako pertsonei zuzenduta dago. Adenobirus familiako birus batekin osatuta dago eta SARS-CoV-2 birusaren proteina sortzeko genea geldiarazten du.
Immunizazioa lortzeko dosi bakarra ematea nahikoa da. Hori da gainerako txertoekin alderatuta bere abantaila nagusia. Horrez gain, % 67ko eraginkortasuna dauka. Europako Batzordeak martxoaren 11n eman zuen Janssen txertoa merkaturatzeko baimena.
Zure interesekoa izan daiteke
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP8ko auto-ilarak Orioko zubian, baina errei batek itxita jarraitzen du Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.