Ibuprofenoa, parazetamola, aspirina... Sendagai guztiek dituzte albo-ondorioak
Astrazenecaren edo Janssenen txertoarekin lotuta egon daitezkeen albo-ondorio larriek, hala nola txertoa jarri ondoren pertsona batzuek jasandako tronbosiak, nahasmena eta kezka sortu dute herritarrengan. Adituen esanetan, ordea, onurak arriskuak baino handiagoak dira.
Sendagai guztiek, baita ohikoenek ere, hala nola ibuprofenoak, parazetamolak, aspirinak edo antisorgailuak berak ere, albo-ondorioak dituzte. Botika batek 0 arrisku izatea litzateke egokiena, baina "ez da existitzen. Sendagai guztiek dituzte ondorio kaltegarriak", adierazi du Tronbosiaren Espainiako Elkarteak.
AstraZenecaren txertoa hartu ostean odolbildu arraroak izateko arriskua immunizatutako 250.000 pertsonako kasu batekoa da, eta Janssenen kasuan, probabilitatea are txikiagoa da, milioi bat pertsonako kasu batekoa baita. Adituek uste dute arriskua txikia dela.
Ivan Espada Farmazialarien Elkargoen Kontseilu Nagusiko kideak azpimarratu duenez, antisorgailua hartu duten 10.000 emakumetik 3k izan ditzake odolbilduak.
Rafael Bengoa osasun adituak gaineratu du tronbo arriskua ere badagoela, adibidez, hegazkin batera igotzen denean.
Espainiako Tronbosi Elkartearen arabera, covidarekin ospitaleratzen diren gaixoen % 15-20k tronbosia izaten dute, eta ZIUn, % 30-40 inguruk.
AstraZenecaren txertoa hartu eta tronbosia izan duten gehienak emakumezkoak dira, 60 urtetik beherako, eta gaur gaurkoz ez dakite horren zergatia. Dena den, guztiek diote onurak arriskuak baino handiagoak direla.
Ibuprofenoa, parazetamola, aspirina...
Ibuprofenoa eta parazetamola ohikoak dira gure egunerokoan, baina AstraZenecaren txertoak baino albo-ondorio larriagoak eta sarriagoak eragin ditzakete. "4 gramotik gora hartuz gero, gibelean eragin larriak izateko arriskua dago eta 10etik aurrera heriotza eragin dezake", gaineratu du Espadak.
Eta ez dira bakarrak. Nolotilak ere 10.000 pertsonatik bati heriotza eragin lezake; aspirina etengabe erabiltzeak bat-bateko garuneko kalte eragin dezake 1.000 pertsonatik 10etan; eta omeprazolak, aurretik aipatutako agranulo-zitosiaz gain, giltzurruneko arazo larriak eragin ditzake 1.000tik batean.
Espadak gogoratu duenez, sendagai guztiek dituzte ondorio kaltegarriak. "Baina horrek ez du esan nahi hartu behar ez ditugunik, baizik eta arriskua-onura baloratu behar dela eta beti medikuak gainbegiratuta".
Albo-ondorioek eragindako heriotzei garrantzia kendu behar ez bazaie ere, Astrazenecaren kasuan onura arriskua baino askoz handiagoa dela dio adituak. Hori dela eta, lasaitasun mezua bidali nahi izan die herritarrei.
BIDEOA: Txertoek antisorgailuek baino tronbosi arrisku txikiagoa dutela azaldu digute adituek
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.