Zupiriak esan du lehendakariak "etengabe" eskatu dituela lege aldaketak
Bingen Zupiria Eusko Jaurlaritzako bozeramaileak gogorarazi duenez, erkidegoek pandemiari aurre egiteko lege aldaketak egiteko aukera dute, eta "lehendakariak osasun krisi honetan etengabe egin du". Gainera, ohartarazi duenez, "dagoeneko 14 hilabete igaro dira" pandemia hasi zenetik.
Radio Vitorian eskainitako elkarrizketa batean, Zupiriak Juan Carlos Campo Justizia ministroaren adierazpenei buruz hitz egin du; izan ere, El Pais egunkarian egindako artikulu batean, "lege aldaketa gehiago" egiteko aukera zabaldu du, erkidegoek pandemiari aurre egin ahal izateko, Auzitegi Gorenaren ebazpenen ostean "beharra" badago.
Bestalde, Kanariar Uharteek aurkeztutako helegitearen ostean, Jaurlaritzak Auzitegi Gorenera jotzeko aukera aipatu du Zupiriak, eta "zuhurtasun eta apaltasun printzipioagatik, Jaurlaritzak ez duela aukerarik baztertzen", gaineratu du.
Hala ere, lehendakariaren hitzak gogora ekarri ditu, "hau auzi judiziala ez dela, osasun arlokoa baizik" esan baitu, eta "berari dagokiola ziurtasuna eskaintzea, eta ez zitzaiola iruditzen prozesuaren judizializazioa ekarpen ona izango zenik", gaineratu du. Izan ere, bide horrek "15, 20 egun, hilabete batera" eraman dezake, eta pandemiak behar dituen erantzunak "berehalakoak" izan behar dira.
Icetaren ustez, "ez da tokatzen" alarma egoera bat
Miquel Iceta Lurralde Politika eta Funtzio Publikoko ministroaren ustez, "une honetan ez da tokatzen" alarma egoera bat, baina, zehaztu duenez, "lehendakariak bere erkidegoarentzat planteatuko balu, Gobernuak aztertu eta babestu egingo luke".
Radio Euskadin egindako elkarrizketa batean, ministroak berretsi du, hilaren 9an alarma egoera amaitu ostean, pandemiaren hedapena saihesteko neurriak hartzeko "tresna nahikoak" daudela.
Era berean, erkidegoek Auzitegi Gorenera kasazio bidez jotzeko aukera dutela gogorarazi du, hartzen dituzten murrizketen inguruan auzitegi nagusiek dituzten irizpide "ez homogeneoen" aurrean. "Horrek behar bezala funtzionatzen ez duela ikusiko bagenu, erreforma legegileren bat egin behar den ikusi beharko genuke", esan du Juan Carlos Campo Justizia ministroak esandakoaren ildotik.
"Espainiako Gobernuak ez du onartu hanka sartu duenik"
Pandemia aroko bigarren alarma egoera bertan behera geratzea "akats larria" dela salatu du Euskadi Irratiko "Faktoria" saioan Aitor Esteban Diputatuen Kongresuko EAJren bozeramaileak eta, asteburuko festa-irudi "arduragabeak" ikusita, neurria "justifikatuta" zegoela. Turismo-sektorea asetzeko nahia ikusi du erabakiaren atzean, eta deitoratu du, alarma egoerarik gabe, Espainiako gobernuak "aterki juridikorik" gabe utzi dituela erkidegoak.
Estebanek erantsi du "berandu" datorrela Espainiako Gobernuak araudia aldatzeko egin duen proposamena, "hilabete inguru beharko delako beharrezko aldaketa eta tramiteak egiteko". Berandu etortzeaz gain, orain arte esandakoekin kontraesankorra izatea nabarmendu du eledun jeltzaleak.
BIDEOA: "3 edo 4 asteko azken ahalegina beste etapa batean sartzeko"
Jonan Fernandez LABI teknikoko koordinatzaileak astelehen honetan adierazi duenez, datozen 3 edo 4 asteak "hil ala bizikoak" dira, eta herritarrei "talde bat bezala" hartzeko eskatu die, "etapa ezberdin batean" sartzeko "azken ahalegina" delako.
Onda Vasca irratian egindako elkarrizketa batean, Fernandezek azpimarratu du Euskadi "beheranzko joeran" eta "txertaketaren gorakadan" dagoela.
Horren ildotik, dosiak "hutsik egiten ez badu", uda erdialdean edo amaieran inokulatuen % 70 lortuko dela azpimarratu du.
Orain, "epe laburrerako helburu nagusia 50 urtetik gorako herritar guztiak lehenbailehen" immunizatzea da, eta horrek zainketa intentsiboetako unitateetako ospitaleratzeen eta ospitaleratze orokorren kopurua "nabarmen" jaistea ekarriko du.
Euskadin eragina "erritmo onean" jaisten ari dela esan du, baina "atzerapausoak saihestu" behar direla gaineratu du; hori dela eta, murrizketarik eza "herritarren jarrera proaktiboarekin osatu" behar da.
Onartu duenez, "zaila da jakitea" kutsatzeek gora egingo duten neurriak lasaitu ostean, baina kezka agertu du "arrisku testuinguru gehiago" sor daitezkeelako.
Eusko Jaurlaritzak ezin izan ditu ezarri aurreikusita zituen neurriak, eta "oztopo gehiago" ditu, adierazi du.
Zure interesekoa izan daiteke
Uda honetan Euskadiko errepideetan saihestu beharreko puntu kritikoak
Irteera Operaziorako dispositibo berezia bihar, ostirala, jarriko da martxan 15:00etan, orduantxe espero baitira uda honetako lehen auto-ilarak errepideetan. Eusko Jaurlaritzaren aurreikuspenen arabera, nazioarteko 2,27 milioi ibilgailuk zeharkatuko dute erkidegoa uda honetan, hau da, iaz baino % 6 gehiagok.
Nola baloratuko da euskararen ezagutza enplegu publikoan lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "abar", eta gaur egungo "hamar" zenbakiaren aurrekaria izan daiteke
Aranzadi Zientzia Elkarteak egin du aurkikuntza, Irulegiko baskoien kanpamenduan (Arangurengo ibarra, Nafarroa). "Abar" inskripzioa, Irulegiko eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Atxilotuak 10 emakume eta bost gizon dira. "XXI. mendeko esklabotzaz ari gara; emakumeen eta nesken salerosketak pertsonen duintasunaren eta gizateriaren beraren aurka egiten baitu", azpimarratu du Marisol Garmendia Espainiako Gobernuak EAEn duen ordezkariak.
Bihartik aurrera, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.
Garbiketa-ibilgailu batek su hartu du Bilbon, Zazpikaleak geltokiaren ondoan
Garbiketa-ibilgailu batek su hartu du gaur goizean Bilbon, Zazpikaleak metro eta Euskotren geltokiaren ondoan, San Nikolas plazatxoan. Suaren arrazoiak ez dira jakitera eman oraindik. Suhiltzaileek sua itzali dute eta ez da inor zauritu.
Baduzu ezagunik Venezuelan? Hauek dira eskura dituzun telefono zenbakiak informazioa lortzeko
Espainiako eta Venezuelako Gobernuek hainbat bide jarri dituzte herritarren eskura herrialdeko lurrikararekin lotutako laguntza emateko.
Galarretako sutea gehiago ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz Parke Naturaleko sutea itzaltzeko lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30 aldera izan da. Harekin zegoen lagun taldeak abisua eman du, urazalean dutenean. Ertzaintzak bere gain hartu du ikerketa.
Biarrizko itsasargiko erlaitza erori da, eta, ondorioz, pertsona bat hil da eta beste bat agertu barik dago
Asteazken arratsaldean Biarrizko Miramar hondartzaren eta itsasargiaren ondoan luizia izan da. Inguruan zeuden bi pertsonetako baten gorpua atera dute larrialdietako taldeek.