21era jaitsi dira Nafarroan atzemandako kasu berriak
Positibo berrien beherakada nabarmena izan da Nafarroan igande honetan; izan ere, 813 proba egin dituzte, eta % 2,6ko positibotasun tasa izan dute, iazko uztailekoaren antzekoa, 21 positiborekin, Nafarroako Gobernuaren datuen arabera.
Horrek esan nahi du kasuen kopurua erdira jaitsi dela aurreko eguneko datuekin alderatuta, 43 kasu zenbatu baitziren bezperan, % 4,8ko positibotasun-tasarekin.
Iruñeko Sanduzelai auzoan hiru kasu atzeman dituzte, eta bina atzeman dituzte Mendillorri auzoan eta Burlata eta Erriberri udalerrietan.
Ospitaleen egoerari dagokionez, 28 gaixo daude ingresatuta covid-19arekin Nafarroako ospitale sarean, bezperan baino bat gehiago. Atzo ez zuten zuzenean inor sartu ZIUetan, baina ingresatuta zegoeneko bat lekualdatu zuten bertara. Ez zen hildako gehiagorik izan gaitzaren ondorioz, beraz, 1.191 dira pandemia hasi zirenetik Foru Erkidegoan hildakoak.
Txertaketaren datuak
Txertaketari dagokionez, 5.106 dosi inokulatu zituzten atzo. Guztira 527.063 txerto eman dira eta 20.279 pertsonak jaso dute pauta osoa.
Oro har, Nafarroako 16 urtetik gorako biztanleen % 60k baino gehixeagok du dosi bat jarrita, eta populazio horren % 38 erabat immunizatuta dago.
Bestalde, 100.000 biztanleko 14 eguneko intzidentzia-tasa metatua 92,63koa zen ostiralean Foru Erkidegoan, Espainiako Osasun Ministerioak emandako datuen arabera.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.