Gazte bat jipoitu eta hil dute Coruñan; krimen homofoboa izan daiteke
24 urteko gazte bat jipoitu eta hil zuten larunbat goizaldean, Coruñako (Galizia) diskoteka batetik gertu. Hurbilekoek eta lagunek omenaldia egin diote gaur hiriko San Anton elizan. 13 pertsona atxilotu dituzte hilketarekin zerikusia dutelakoan.
Telefono mugikor baten inguruko eztabaida batek erasoa eragin zuela diote hipotesi ofizialek. Ikerketak hipotesi hori du ardatz, eta ez indarkeria homofoboa, baina biktimaren hurbilekoek Samuelen sexu-orientazioa jotzen dute jipoiaren arrazoi nagusitzat.
Konkretuki, mugikor batekin egindako grabazioak gatazka piztu zuela diote aurreneko zantzuek, baina sare sozialetako erabiltzaileek hilketaren arrazoia biktimaren sexu-orientazioa izan zela salatu dute.
Horrela, Interneten "Justizia Samuelentzat" mugimendua bultzatu dute biktimaren lagunek. Diskoteka inguruan gertatutakoa norbaitek ikusi baldin bazuen, lekukotza emateko zalantzarik ez izatea eskatzen dute.
Gainera, elkarretaratzeak deitu dituzte astelehen honetarako 20:00etan, hilketa gaitzesteko:
Erasoa Buenos Aires hiribidean hasi zen, itsas pasealekuan, 03:00ak aldera. Pertsona talde batek biktima astindu eta larri zauritu zuen.
Zerbitzu medikoak gaztea suspertzen saiatu ziren ia bi orduz, eta egoera kritikoan Coruñako ospitalera eraman zuten. Larunbat goizean hil egin zen.
Epaileak sumario-sekretua ezarri du.
Ione Belarra Eskubide Sozial eta 2030 Agendako ministro nafarrak eta Irene Montero Berdintasun ministroak hilketa gaitzetsi dute sare sozialetan:
Era berean, Rafaela Romero Gipuzkoako mugikortasun diputatuak "irmotasun politiko eta demokratikoa" eskatu du txio batean::
Zure interesekoa izan daiteke
Donostian emaztea itotzen saiatu zen gizonak komisarian jarraitzen du
Hilketa saiakera leporatzen diote, emaztea ito nahian aurkitu ondoren.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.
Gasteizko Mitika aretoaren auzia herri-epaimahai baten aurrean epaitzea baztertu du Gorenak
Arabako Probintzia Auzitegiak arrazoia eman zien akusatuaren defentsari eta Fiskaltzari, uste baitzuten gertakariak hobeto egokitzen zirela lesio-delitu batera, zuhurtziagabekeriazko homizidio batekin batera, eta horrek eragotzi egingo luke kasua herri-epaimahai baten aurrean epaitzea.
26 urteko emakume bat oso larri zauritu da Saratsan, auto-istripuan
Ezbeharra N-240-A errepideko 11,5 kilometroan jazo da. Larrialdi zerbitzuek ibilgailutik atera dute emakumea, eta anbulantzian eraman dute Nafarroako Unibertsitate Ospitalera, Iruñera. Guardia Zibila ezbeharraren nondik norakoak ikertzen ari da.
Garcia Ortizi aurre egin zion Madrilgo fiskala ordezkatu du fiskal nagusiak
Zehazki, Maria Isabel Martin Lopezek hartuko du Lastrak orain arte betetako kargua. Fiskaltzaren Idazkaritza Teknikoan aritu izan da 2018tik , fiskal nagusiaren laguntza-organoan. Lastrak bost urte zeramatzan karguan eta Madrilgo fiskal nagusi gisa jarraitu nahi zuen.
Global Sumud Euskal Herria: "Tirokatu gaituzte eta bueltatzeko agindu digute, baina aurrera jarraitzea erabaki dugu"
Israelgo soldaduak ontzira igo eta miaketa sakon bat egin dute Global Sumud Euskal Herriako aktibista batek zehaztu duenez. Soldaduen jarrera kritikatu dute eta gure artean Israelek dituen "konplizeak" ere aipatu dituzte.