Bizi Berri IV Plana: mailak, ordutegiak, edukierak eta gainerako neurriak
Eusko Jaurlaritzak Bizi Berri IV Plana onartu du, eta, aurrerantzean, LABI teknikoak dokumentu hori erabiliko du eredutzat koronabirusaren pandemiari aurre egiteko neurriak proposatzeko.
Plan berria urrira arte egongo da indarrean, hiru maila aurreikusten ditu eta hainbat adierazle hartuko ditu kontuan: azken 14 egunetako intzidentzia-tasa metatua, ZIUetako okupazioa, txertoa hartu duten pertsonen kopurua, talde immunitatea eta aldaera berrien hedapena.
1. MAILA | TRANSMISIO BAXUA: Maila horretan, metatutako intzidentzia-tasa 0-60 kasu artekoa izango litzateke 100.000 biztanleko, eta ZIUetako okupazioaren 1. agertokia hartuko litzateke kontuan.
- Jarduerak eta establezimenduak ixteko gehieneko ordutegia 01:00-03:00 izango litzateke, eta, besteak beste, itxita dauden jardueren irekiera baloratuko litzateke.
- Oro har, esparru eta establezimenduetarako edukiera-muga % 75ekoa izango litzateke, baina murrizketa hori bertan behera uztea aztertuko lukete.
- Taldean 10 pertsona edo gehiago biltzeko aukera egongo litzateke, eta murrizketa hori kentzeko aukera aztertuko lukete.
2. MAILA | TRANSMISIO NEURRIZKOA: Intzidentzia-tasa metatua 60-150 kasu artekoa izango litzateke 100.000 biztanleko, eta ZIUetako okupazioaren agertokia 1 eta 2 artekoa.
- Establezimenduak, berriz, 00:00etatik 02:00etara itxi beharko lituzkete.
- Oro har, esparru eta establezimenduetarako edukiera-muga % 60koa izango litzateke.
- Taldean, gehienez, 6-10 pertsona biltzea baimenduko lukete.
3. MAILA | TRANSMISIO TENTSIONATUA: Metatutako intzidentzia-tasa 150-300 kasu artean kokatzen da 100.000 biztanleko, eta ZIUetako okupazioko 2. agertokia hartuko litzateke kontuan.
- Establezimenduak 22:00etatik 01:00ak bitartean itxi beharko lituzkete, eta pertsona taldeak biltzen dituzten jarduerak itxiko egingo lirateke.
- Oro har, edukiera-muga % 50ekoa izango litzateke esparru eta establezimendu ezberdinetan.
- Taldean, gehienez, 4-6 pertsona elkartzea baimenduko lukete.
Gainera, hiru mailetan, adinaren araberako txertatutako biztanleria eta talde-immunitaterako hurbilketa hartuko litzateke kontutan, baita aldaera berriak eta horien transmisio maila ere.
Zure interesekoa izan daiteke
Arguedasen bikotekidea ustez hiltzeagatik atxilotutako gizona ostegun honetan eramango dute epailearen aurrera
43 urteko gizona bere kabuz joan zen astelehenean Valtierrako Guardia Zibilaren kuartelera, eta bikotekideari eraso egin ziola aitortu zuen. Arguedaseko Udalak hiru dolu-egun ezarri ditu hilketa matxistagatik, eta herrian gaitzespen elkarretaratzea egin dute biktimaren oroimenez.
Auto-pilaketak AP-8 autobidean, Elgoibarren, kamioi bat matxuratuta dagoelako
Ibilgailu astuna goizeko lehen orduan geratu da bide bazterrean, baina oraindik ere errei bat itxita dago eta auto-ilara luzeak daude.
Euskalduna Bilbaok musika areto onenaren aitortza jaso du Eventex Awards 2026 sarietan
Sektoreko nazioarteko adituek osatutako epaimahaiak bereziki nabarmendu ditu "Jauregiaren gaitasun tekniko aparta, nortasun kultural sendoa, programazio jarraitua eta publikoarekin duen lotura”.
Arguedaseko agintariek eta auzokideek Saida al-Yusifen hilketa gaitzetsi dute
Elkarretaratze jendetsua egin dute Udaletxeko plazan. Gainera, Udalak hiru dolu-egun ezarri ditu herrian.
Gizon batek bikotekide ohia hil du kalean, Figueresen (Girona)
Gizona astelehenean atxilotu zuten, emakumearenganako urruntze-agindua urratzeagatik.
Mangoren sortzailearen semea aske utzi dute milioi bateko fidantza ordaindu ostean
Enpresaburua 2024an hil zen, Montserrat inguruan, amildegitik behera erorita. Semea eta biak bakarrik zeuden ezbeharraren unean. Hasiera batean, istripua izan zela uste izan zen eta auzia artxibatu zen. Handik gutxira, baina, zantzu berriak agertu ziren, eta epaileak kasua berriz zabaltzea erabaki zuen. Haren semea dago orain ikerketapean, ustezko hiltzaile gisa.
Auzitegi Gorenak eutanasia eskaria errekurritzeko eskubidea aitortzen die eskatzailearekin lotura "estua" dutenei
Kataluniako Generalitatearen helegite bat atzera bota du Gorenak. Gizon batek semeari onartutako eutanasia errekurritzea ontzat eman zuen sententzia batek, eta haren aurka aurkeztu zuen helegitea Exekutibo kataluniarrak.
Maria Ubarretxena: "Azken erabakia FIFArena izango da"
Maria Ubarretxena Eusko Jaurlaritzaren bozeramaileak azaldu duenez, FIFAren erabakia 2027ko urtarrilean iritsiko da. Oraindik zazpi hilabete gelditzen diren honetan, lasaitasun mezua zabaldu du.
Ebola zer den ulertzeko gakoak
Birus bat da ebolaren eragilea, eta sei mota bereizi dira: Sudan, Zaire, Reston, Cote d'Ivoire (Boli Kosta), Bundibugyo eta Bombali. Txertoek eta onartutako tratamenduek Zaire aldaeraren aurka funtzionatzen dute. Afrikako erdialdea astintzen ari diren Sudan eta Bundibugyo anduiak tratatzeko, berriz, oraindik ez dago txertorik.
Amaitu dira N-1 errepidean, Tolosa parean, bi kamioi matxuratuk eragindako auto-ilarak
Usabalgo industrialde parean hasi eta Alegiaraino iritsi dira, une batez, auto-ilarak. Matxuratutako bi kamioiak elkarrengandik oso hurbil zeuden, eta, ondorioz, errei bat itxi egin behar izan dute.