Udaltzaingoa eta Ertzaintza kalean izango dira goizaldean jende pilaketak ekiditeko
Araban, Bizkaian eta Gipuzkoan bizikideak ez diren pertsonak kalean 00:00etatik 06:00etara biltzea galarazten duen dekretua gauerdian sartu da indarrean. Gazteen arteko kutsatzeek gora egin dute azken asteetan eta neurri horren bidez covid-19aren hedapena geldiarazi nahi du LABI instituzionalak. Udaltzaingoak eta Ertzaintza arduratuko dira murrizketa betearazteaz.
Iñigo Urkullu lehendakariaren dekretu berriaren arabera, 00:00etatik 06:00etara bizikideak ez diren pertsonak aire libreko eremuetan (parkeetan, lorategietan, hondartzetan, kirol guneetan, patinatze pistetan, portuetan, itsas pasealekuetan…) ez biltzea gomendatzen da.
Hala ere, pertsonen zirkulazioa ez dago debekatuta eta, beraz, posible izango da ordu horietan eremu horietatik igarotzea.
Dekretuaren arabera, udalen edo horretarako eskumena duten erakundeen ardura izango da gauerditik aurrera jendea pilaketan gerta daitezken eremuak zeintzuk diren zehaztea.
Gauzak horrela, Udaltzaingoaren esku egongo da goizaldean pilaketak eta botilioiak saihestea. Alabaina, Euskadiko Udalen Elkarteak –Eudel- ohartarazi du ezinezkoa dela "bizilagun bakoitzaren atzean udaltzaingo bat jartzea" eta, ondorioz, herritarrei arduraz jokatzeko eta arauak betetzeko deia egin die.
Ildo horretan, Bingen Zupiria Eusko Jaurlaritzako bozeramaileak azpimarratu du dekretua betetzeko ardura erakunde guztiena dela, eta ez soilik udalena. Hala, Udaltzaingoek Ertzaintzaren laguntza izango dute eginkizun horretan.
Bilboko eta Santurtziko udalek, esaterako, iragarri dute dispositibo bereziak ezarriko dituztela goizaldean eremu publikoak zaintzeko.
Radio Euskadiko elkarrizketa batean, Juan Mari Aburto Bilboko alkateak adierazi du Udaltzaingoak "eskura dituen bitarteko guztiak" erabiliko dituela dekretu berria betetzen dela bermatzeko. Halaber, isunak eta zigorrak jartzerakoan "irmoak" izango direla agindu du.
Bestalde, Santurtziko Udalak jakinarazi du gazteek botiloiak egiteko erabili ohi dituzten guneak itxi egingo dituztela eta hainbat tokitan zaintzarako kamerak ezarriko dituztela.
Horrez gain, Udalak gogora ekarri du asteburu honetan ospatu behar ziren Karmen jaiak bertan behera utzi zituztela pandemiaren eraginez eta, beraz, arduraz jokatzeko eskatu die herritarrei.
Zure interesekoa izan daiteke
Lau adingabe ikertzen ari dira, Lasarte-Orian, bi gazte jipoitzea egotzita
Biktimak, 20 eta 17 urtekoak, Lasarte-Oriako ikastetxe bateko patioan zeuden eta zazpi gazteko talde bat hurbildu zitzaien zigarro bat eskatuz. Ezetz erantzun ondoren, horietako lau ukabilkadak ematen hasi zitzaizkien eta ospitalean artatu behar izan zituzten.
Gizon baten gorpua aurkitu dute Eskoriatzan, ibaian flotatzen
Herritar batek eman du abisua, 09:15 aldera. Deba ibaian hilotz bat ikusi du, udalerriko Aingeru Guarda auzoaren parean.
Iragarki faltsuen bidez iruzur egiten zuen talde kriminal bat desegin dute Bizkaian
Bost pertsona ikertzen ari dira, eta 'Negare' polizia operazioak zabalik jarraitzen du. Oraingoz, 28 kaltetu identifikatu dituzte, batzuk Araban (1), Gipuzkoan (1) eta Nafarroan.
Duela 4.000 urteko bisonte baten hezurdura topatu dute, ia osorik, Urbasan, eta Iberiar penintsulan dokumentatutako lehen bisonte europarra izan daiteke
Maria Chivite presidenteak eta Rebeca Esnaola Kultura eta Kirol kontseilariak "garrantzi zientifiko handiko" aurkikuntza aurkeztu dute astelehen honetan. Aurkikuntza “bakarra” da Iberiar penintsulan, eta Arrafela leizean egin zen, Kultura Departamentuak sustatutako esku-hartze arkeologiko batean, Euskal Herriko Unibertsitatearen eta Madrilgo Historia Naturalaren Museoaren parte-hartzearekin, besteak beste.
Donostiako Udalak atxilotuen jatorriaren berri emango du aurrerantzean
Bilbok eta Gasteizek ez bezala, Donostiak bat egin du Eusko Jaurlaritzako Segurtasun Sailak ezarritako irizpidearekin. Aurrerantzean, Donostiako Udaltzaingoak atxilotuen jatorria jakinaraziko du, hedabideek zein herritarrek eskatuta edo "egoerak hala eskatzen duenean".
Goiz korapilatsua Bilbo inguruko errepide nagusietan
Istripu bat izan da Barakaldon, Ansioko bihurguneetan, Donostiarako noranzkoan, eta pertsona bat ospitalera eraman dute, zauriturik. Bestalde, lau ibilgailuk talka egin dute Zamudion, Txorierrin, eta auto-ilarak izan dira goizean goiz.
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.