Aire zabalean maskarak kentzeko erabakia eztabaidatuko dute Kongresuan
Segurtasuneko tartea gorde daitekeenean eta aire librean maskara kentzea ahalbidetzen duen lege-dekretuaren inguruan eztabaidatuko dute gaur Diputatuen Kongresuan. Espainiako Gobernuak ekainaren 26an onartutako araua berretsi ala errefusatu beharko dute taldeek.
Kutsatzeek gora egin dute azkenaldian, eta horiei aurre egiteko murrizketa gehiago jarri dituzte erkidegoek. Ingurumari horretan helduko da gaia behe-ganberara. Gainera, gero eta gehiago dira maskarak une oro erabiltzearen alde egiten dutenak. Iritzi horretakoa da Iñigo Urkullu lehendakaria ere, eta hala egiteko eskatu dio asteon Pedro Sanchez Espainiako gobernuburuari.
Bestela uste du Espainiako Gobernuak berak, eta Carolina Darias Osasun ministroak hala defendatuko du gaurko saioan. Izan ere, gogoraraziko duenez, indarrean dagoen dekretuak ezartzen duena da musukoak derrigorrezkoak direla, "salbuespen oso zehatzetan izan ezik". Espainiako Gobernuaren arabera, legea betearaztea da kontua, ez legea aldatzea.
Lehendakariaren gutuna
Asteon bidali dio gutuna lehendakariak Pedro Sanchez Espainiako Gobernuko presidenteari, maskararen erabilerarako dekretua molda dezala eta erabilera derrigorrezkoa izatea ezar dezala eskatzeko. Gainera, "premiaz" egiteko eskatu dio, aste honetan bertan, ahal dela, autonomia erkidegoei gaueko mugikortasuna eta taldean bil daitezkeen pertsonen kopurua mugatu ahal izateko "segurtasun juridikoa" emateko.
Hala jakinarazi du Bingen Zupiria Eusko Jaurlaritzako bozeramaileak astearte honetan, Gobernu Kontseiluaren asteroko bileraren ostean, komunikabideen aurrean egindako agerraldian.
Bileraren amaieran, lehendakariak berak jakinarazi die sailburuei astelehenean gutun bat bidali ziola Sanchezi, ekainaren 24ko Errege Dekretuak maskararen erabilera malgutzearekin "izan dituen ondorioengatik" kezka helarazteko; izan ere, "kasu askotan" erabiltzeari utzi zaio, nahiz eta Espainiako Gobernuak onartu zuen testuaren "helburua ez zen hori".
Isabel Rodriguez: "Araua betearaztea da gakoa"
Iñigo Urkullu lehendakariak Espainiako Gobernuko presidenteari bidalitako gutunari buruz galdetuta, Isabel Rodriguez Espainiako Gobernuko bozeramaileak Ministroen Kontseiluaren osteko prentsaurrekoan gogora ekarri duenez, maskararen erabilera derrigorrezkoa da oraindik egoera guztietan, kanpoan izan ezik, metro eta erdiko segurtasun tartea badago, eta arau hori betearazteko eskatu du; izan ere, oro har, betetzen ari bada ere, Exekutiboaren iritzian, "esparru batzuetan ez da betetzen ari".
Hori dela eta, horren ustez, ez da beharrezkoa onartu berri den legea aldatzea, hemen gakoa "lege haustea baita, eta, beraz, araua betearazi behar da".
Zure interesekoa izan daiteke
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP-8ko auto-ilarak Orioko zubian, Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.