Ostalaritzari ezarritako ordutegi berria indarrean da Araban, Bizkaian eta Gipuzkoan
Larunbat gauerdian sartu da indarrean ostalaritzaren ordutegia eta establezimendu guztien edukiera mugatzen duen dekretu berria Araban, Bizkaian eta Gipuzkoan. Hala, aurrerantzean jarduera komertzialak, ekitaldi sozialak eta ekintza kulturalak 01:00etan amaitu beharko dira.
Iñigo Urkullu lehendakariak zuzentzen duen LABI instituzionalak murrizketa berriak erabaki zituen joan den osteguneko bileran, koronabirusaren hedapena gelditzeko asmoz; izan ere, pandemia hasi zenetik positibo kopururik handienak antzeman dituzte azken egunetan.
Horrenbestez, gaurtik hasita tabernek eta jatetxeek 01:00etan itxi beharko dituzte ateak; orain arte 02:00ak arte zabalik egoteko aukera izan dute. Ordutegi bera ezarriko dute gainerako jarduera sozial eta kultural guztietan ere.
Horrez gain, lokal eta establezimendu guztietan, tartean ostalaritzan, edukiera-muga % 35era murriztuko dute. Edukierari lotutako neurri berriak, baina, datorren astelehenean ezarriko dira, eta ez larunbat honetan.
Halaber, astelehenetik aurrera jarduera sozialetan, ekintza kulturaletan eta kirol ekitaldietan bil daitezkeen pertsonen kopurua ere gehiago mugatuko dute. 1.600 pertsonarentzako edukiera duten tokietan, 400 sartu ahalko dira barrualdean, eta 600, kanpoaldean.
Edukiera 1.600 eta 5.000 pertsona artekoa bada, 600 ikusle sartu ahalko dira barrualdean, eta 800, kanpoaldean. 5.000 lagunetik gorako eremuetan, berriz, gehienezko edukiera % 20koa izango da.
Alabaina, osteguna baino lehenago kontratatutako ekitaldietan (kontzertuak, kongresuak, ezkontzak...) ez da edukiera-muga berria bete beharko.
Bestalde, LABIk gogora ekarri du aire zabalean musukoa erabiltzea derrigorrezkoa dela, 1,5 metroko segurtasun-tartea mantendu ezin bada. Hala, dekretuak zehazten du "maskararen erabilera nahitaezkoa" izango dela "jendea dabilen hiriguneetan".
Bestelako betebeharrak eta gomendioak
Bestalde, dekretu berrian arduraz jokatzeko deia egiten zaie herritarrei. Hala, kutsatuta egonez gero eta positibo baten kontaktu estua izanez gero aztarnariei abisua ematea eta konfinatzea ezinbestekoa dela gogoratzen du.
Horrez gain, nork bere borondatez betetzeko hainbat gomendio aipatzen dira dekretuan: 01:00etik 06:00etara etxean geratzea; taldean sei pertsona baino gehiago ez biltzea; eta covid-19aren sintomak izanez gero, etxean konfinatzea eta Osakidetzarekin harremanetan jartzea.
Albiste gehiago gizartea
Foru Gobernuak "lasaitasuna" eskatu du Izarbeibarko sutearen aurrean: "Ez du herrigunerik kaltetu"
Amparo Lopez Barne, Funtzio Publiko eta Justizia kontseilariak "lasaitasun" mezua zabaldu du Muruzabal, Eneritz, Añorbe eta Obanosen artean piztutako sutearen aurrean, "ez baitago, a priori, herrigunerik kaltetutaa". "Eta ez dugu uste gertatuko denik", gaineratu du. Bestalde, Maria Chivitek Nafarroako presidenteak eskertu egin du "inguruko alkateekin izaten ari garen lankidetza perfektua".
Abuztuaren 29an gauez ez da jairik izango Bakion, ekitaldiak bertan behera utzi ostean "indarkeria areagotu delako"
"Hainbat eraso matxista eta borroka izan dira, eta jai giroa hondatu dute", azaldu du Bizkaiko Udalak. Hori dela eta, San Joan Doloz gauean ez da DJ ikuskizunik izango.
Bizkaiko 17 udalerritako hegazti-ustiategiak konfinatu dituzte, hegazti-gripearen hainbat kasu agertu direlako
Ezarritako babes- eta zaintza-eremuek udalerri hauei eragiten diete: Lemoiz, Bakio, Gorliz, Barrika, Sopela, Mungia, Maruri, Plentzia, Urduliz, Getxo, Berango, Gatika, Laukiz, Leioa, Erandio, Loiu eta Derio.
Fauna basatia sendatzeko Gorlizko zentroak abeletxeko hegazti guztiak hil ditu, eta inguruko udalerrietan prebentzio-neurriak ezarri dituzte
Zentroak hegazti gripearen bi kasu atzeman ditu, eta, iragarri dute, ondorioz, zentroa bera kutsatu egin dela. Hala, alde batetik, abeletxeko hegazti guztiak hil dituzte, eta, bestetik, inguruko herrietan prebentzio-neurriak ezarri dituzte.
Izarbeibarren piztutako baso-sutea egonkortu dute
Muruzabal, Eneritz, Añorbe eta Obanos herrietan piztutako baso-suteak uzta bilduta zeuden hainbat zereal-soro eta pinudi bat kaltetu ditu. Artaxoan piztutako bigarren sute baten ondorioz, NA-132 eta NA-6020 errepideak itxi behar izan dituzte, baina biak dagoeneko berriz zabaldu dituzte. Nafarroak nekazaritza jarduera jakin batzuk debekatu ditu aldi baterako, suteak prebenitzeko.
Bizkaiko Aldundiak esan du hegazti-gripe kasuek ez dutela inor "ustekabean" harrapatu, eta gaitza ez dela gizakion osasunerako kaltegarria
Iñaki Arrazola Aldundiko Abeltzaintza zerbitzuburuak Radio Euskadin azaldu duenez, hegaztien sektoreak "erne" egon behar du birusaren aurrean.
Elvia Gomez nafarrak Young Scientific Explorer Award saria irabazi du, 13 urterekin
Lau urterekin elur-oreinen aztarnak arakatzera joan zen Finlandiara, eta orain, 13 urterekin, Eguesibarreko gazteak Young Scientific Explorer Award saria jaso du. Gainera, Elvia Gomezek arrakasta handia du Instagramen (@elvialarastreadora), animaliei buruzko bitxikeriak kontatzen baititu.
Giro bikaina Gasteizen goizean goizetik Andre Maria Zuriaren egun handian
Abuztuaren 5a, Gasteizko jaietako egun handia, adin eta gustu guztietarako jardueraz beteta dator. Goizeko lehen orduan, adibidez, Andre Maria Zuriari Lore eta Ohorezko Aurreskua egin diote blusa eta nesken kuadrillek.
Euskadi, errendimendu akademiko handiena dagoen eta kalitatezko enplegu gehien lortzen den erkidegoen artean
Euskal Autonomia Erkidegoko ikasleak unibertsitatera sartzeko aukera gehien dituztenetakoak dira Estatu mailan. Izan ere, hamasei urtetik gorako biztanleen erdiak eta biztanleria aktiboaren ia bi herenek unibertsitate-ikasketak dituzte.
Andre Maria Zuriaren eguna jai-jarduerez beteta dator
Kontsulta ezazu Gasteizko jaietako egun handiaren egitarau osoa, hemen.