Kartzelatu egin dituzte Gijongo talde bortxaketagatik atxilotutako lau gizonetako bi
Gijongo (Asturias) 5. instrukzio epaitegiak kartzelatu egin ditu asteburuko talde bortxaketaren harira atxilotutako lau gizonetako bi. Hain zuzen ere, biktimak 22 eta 23 urteko bi emakume dira; horietako bat, Bergarakoa (Gipuzkoa).
Beste bi gizonak behin-behinean aske utzi dituzte, baina biktimengana hurbiltzea eta haiekin komunikatzea debekatu diete.
Asturiasko Justizia Auzitegi Nagusiak jakinarazi duenez, Auzitegiak eginbideak ireki ditu eraso eta abusu sexuak egotzita.
Fiskaltzak lau gizonetako bi espetxeratzea eskatu zuen, egotzitako delituen "larritasuna" dela eta, eta ihes egiteko arriskua dagoela iritzita.
Bi emakumeek polizia-etxean salatu zutenez, gizon bat ezagutu zuten pub batean, eta haren hotelera joan ziren sexu-harremanak izatera. Bidean, baina, beste gizon bat batu zitzaien, hoteleko gelan beste bi zeuden, eta sexu-harremanak denekin izatera behartu zituzten.
Emakumeak Cabueñes Ospitalera eraman zituzten, azterketa medikoa egiteko. Atxilotutako laurak Portugalgo turistak dira.
"Ehizaldi bat antolatu zuten"
Gijongo Udaleko Berdintasun zuzendari Goreti Abellok Radio Euskadiko "Boulevard informativo" saioan adierazi duenez, talde bortxaketaren egileek "benetako tranpa bat prestatu zuten eta ehizaldi bat antolatu zuten".
Ana Gonzalez Gijongo alkateak EITB Mediari egindako adierazpenetan, gertatutakoa gaitzetsi, eta "gizon askok oraindik ere gu biolatzeko eskubidea dutela uste dute", salatu du.
"Emakumeen duintasuna, sexu-askatasuna eta osotasun fisikoa bortxaezinak dira", adierazi du Miren Elgarresta Gipuzkoako Foru Aldundiko Berdintasunerako zuzendariak, eta gizarteari dei egin dio, "orain inoiz baino gehiago, adi eta konprometituta jarraitzeko emakumeen aurkako indarkeriaren aurrean".
Abokatuak salaketak aurreratu ditu
Lau akusatuen abokatuak Gijongo alkatea, Printzerriko presidentea eta Berdintasuneko ministroa salatuko dituela aurreratu du astelehen honetan hedabideei egindako adierazpenetan, eta "intelektualki pobreak" izatea leporatu die, lau gizonei "errugabetasun printzipioa ukatzeagatik". Horren harian, gertakariak "inola ere ez dira delitu", esan du.
Lau turista portugaldarrek, bestalde, ukatu egin dute biktimen bertsioa, baztertu egin dute indarkeriarik egon izana, eta sexu-harremanak adostuak izan zirela esan dute. Aske geratu diren bi gazteak Portugalera joan dira, baina Espainiako justiziaren aurrean erantzun beharko dute.
"Ehiza izan zen"
Goreti Abello Gijongo Udaleko Berdintasun zuzendariaren hitzetan, talde bortxaketako egileek "benetako tranpa bat prestatu, eta ehizaldi bat antolatu zuten".
EITB Median egindako elkarrizketan, Ana Gonzalez Gijongo alkateak gaitzetsi egin du erasoa, eta honakoa erantsi du: "Gizon askok oraindik ere uste dute gu bortxatzeko eskubidea dutela".
Bestalde, Miren Elgarresta Gipuzkoako Foru Aldundiko Berdintasunerako zuzendariaren hitzetan, "emakumeen duintasuna, sexu-askatasuna eta integritate fisikoa eskubide urraezinak dira", eta emakumeen aurkako bortizkeriaren aurrean "adi eta konprometituta, inoiz baino gehiago erne" jarraitzeko deia egin die herritarrei.
Zure interesekoa izan daiteke
Nola baloratuko da euskararen ezagutza enplegu publikoan Lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "Abar", gaur egungo "hamar" zenbakiaren aurrekaria izan daitekeena
Aranzadi Zientzia Elkarteak egin du aurkikuntza, Irulegiko baskoien kanpamenduan (Aranguren Ibarra, Nafarroa). "Abar" inskripzioa, Irulegiko Eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Marisol Garmendia Espainiako Gobernuak EAEn duen ordezkariak eta Teresa Herraez poliziaburuak eman dituzte operazio horren xehetasunak, ostegun honetan Donostiako ertzain-etxean egindako agerraldian.
Aurrerantzean, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.
Garbiketa-ibilgailu batek su hartu du Bilbon, Zazpikaleak geltokiaren ondoan
Garbiketa-ibilgailu batek su hartu du gaur goizean Bilbon, Zazpikaleak metro eta Euskotren geltokiaren ondoan, San Nikolas plazatxoan. Suaren arrazoiak ez dira jakitera eman oraindik. Suhiltzaileek sua itzali dute eta ez da inor zauritu.
Baduzu ezagunik Venezuelan? Bilboko kontsulatuak harremanetarako bideak jarri ditu herritarren eskura
Venezuelak Bilbon duen kontsulatuak hainbat bide jarri ditu herritarren eskura herrialdeko lurrikararekin lotutako laguntza emateko.
Galarretako sutea gehiago ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz Parke Naturaleko sutea itzaltzeko lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30 aldera izan da. Harekin zegoen lagun taldeak abisua eman du, urazalean dutenean. Ertzaintzak bere gain hartu du ikerketa.
Biarrizko itsasargiko erlaitza erori da, eta, ondorioz, pertsona bat hil da eta beste bat agertu barik dago
Asteazken arratsaldean Biarrizko Miramar hondartzaren eta itsasargiaren ondoan luizia izan da. Inguruan zeuden bi pertsonetako baten gorpua atera dute larrialdietako taldeek.
Kantauri itsasoko ura 25,2 gradutan dago, inoiz baino epelago
Ekainean, normalean, itsasoko ura 18 graduren bueltan egoten bada ere, gaur, ekainaren 24an, Donostiako Aquariumean egindako neurketak Kantauri itsasoko ura 25,2 gradutan dagoela erakutsi du, inoiz baino beroago.