Positibo berriek eta intzidentzia-tasa metatuak behera egin dute Euskadin
Euskal Autonomia Erkidegoan (EAE), 1.315 positibo berri zenbatu dituzte, bezperan baino 261 gutxiago, Osasun Sailak emandako datuen arabera.
Datu negatiboen artean asistentzia-presioa dago; izan ere, egun bakar batean 12 paziente gehiago daude ospitaleratuta EAEn.
100.000 biztanleko 14 eguneko intzidentzia-tasa metatua 870,30 kasutik 868,93ra jaitsi da. Datuak lurraldez lurralde aztertuta, intzidentziak behera egin du berriro Gipuzkoan eta Araban, eta gora Bizkaian. Hala, 646 kasu izan dira Araban, 920 Bizkaian eta 826 Gipuzkoan.
Gazteen artean, birusaren intzidentziak gora egiten jarraitzen du: 10-19 adin tartean 2.531 kasukoa da, eta 2.714koa, 20-29 adin tartean. 30 eta 39 urte artekoen artean, aldiz, intzidentzia txikiagoa da, baina batez bestekoaren gainetik jarraitzen du: 951.
Ospitaleko presioari dagokionez, 62 pertsona daude ZIUetan (aurreko egunean baino bi gehiago) eta 243 gaixo gela arruntetan (hamar gehiago). Gainera, 55 pertsona ospitaleratu dituzte azken orduetan.
Halaber, hiru emakume haurdun daude Gurutzetako Ospitalean (Barakaldo) koronabirusak jota, horietako bi zainketa intentsiboetako unitatean (ZIU), eta hirugarrena arnas zerbitzuko geletan.
Atzo 11.799 proba diagnostiko egin zituzten eta positibotasuna % 13,8tik % 11,1era jaitsi da. Datuak lurraldez lurralde aztertuta, 131 kasu berri atzeman dituzte Araban (bezperan baino 26 gutxiago), 776 Bizkaian (147 gutxiago), 388 Gipuzkoan (76 gutxiago) eta 20 Euskaditik kanpo bizi ziren pertsonen artean.
Gaitzaren oinarrizko birsorkuntza tasak beheranzko joerari eutsi dio azken egunetan, eta 0,94koa da Euskadin. Gainera, hiru lurraldeak 1 azpitik daude: 0,88 Araban, 0,97 Bizkaian eta 0,91 Gipuzkoan.
Bestalde, intzidentzia-tasen arrazoia (egungo 14 egunetan metatutako intzidentzia-tasa duela astebetekoarekin alderatzen du) murriztu egin da, eta 1,19ra jaitsi da Euskadin (1,27an zegoen bezperan).
Zure interesekoa izan daiteke
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.
Xabier Agote (Albaola): "Euskaldunek mundu mailan puntako itsas teknologia garatu zuten duela 500 urte"
EITBk Albaolako presidentearekin hitz egiteko aukera izan du San Juan baleontzia uretaratu eta biharamunean. Pozik eta hunkituta agertu da, baina aurretik lan handia dutela esan du; izan ere, belak eta mastak egin behar dituzte oraindik. Astelehenetik aurrera, lanean jarraituko dute, ontzia ekipatu eta udaberrian berriz ikusgai jartzeko.
Hodi baten hausturak ur-hornidura arazoak eragin ditu Ezkerraldean
Matxura konpondu dute jada, baina txorrotak ireki eta urari isurtzen uzteko gomendatu dute, oraindik zikin egon daitekeelako.
Txalo artean ospatu dute Kanadan 'San Juan' ontziaren uretaratzea
Txalo artean ospatu dute Red Bay Kanadako Ternua eta Labrador probintziako herrian San Juan ontziaren uretaratzea. Bertako herritarrak elkarrekin bildu dira uretaratzea zuzenean ikusteko; izan ere, arrantzale herri horretako uretan aurkitu zuten hondoratuta, 1976an.