Publikoa Mendizorrotzara eta Reale Arenara itzuliko da larunbat honetan, baina % 20ko aforoarekin
Ertzaintzak eta Gasteizko eta Donostiako udaltzaingoek elkarrekin lan egingo dute futbol-zelaietan larunbat honetan, publikoaren itzuleran segurtasuna bermatzeko; izan ere, futbol-zelai bakoitzean aforoa % 20koa izango da.
Horrela, Mendizorrotzan, 4.000 jarraitzaile babazorro espero dira Alavesen debuta ikusteko. Gasteiztarrek Real Madril hartuko dute etxean, 22:00etan.
Dispositiboa partida hasi baino bi ordu lehenago jarriko dute martxan, bi taldeak zelaira lagunduko dituztelarik. Segurtasun dispositiboa zelai barruan zein kanpoan izango da.
Era berean, Donostian, harmailetan publikoa izango da berriro futbol norgehiagoka batean. Realaren bigarren taldeak Leganes hartuko du Reale Arenan, bigarren mailan. Partidak 2.000-3.000 zale biltzea espero dute.
Ertzaintzak, Udaltzaingoak eta futbol-zelaiko segurtasun langileek zaleen etorrera, sarrera eta kokapena zainduko dute.
Segurtasun Sailak jarraitzaileei gomendio sorta eman die. Zelaietako sarreretan langileei eta ibilbide seinale eta geziei jaramon egitea eskatu dute.
Era berean, jendetzak eta taldeak saihestea eskatu dute, zelai barruan zein kanpoan, pertsonen arteko distantzia gordetzea, une oro musukoa jantzita eramatea, gel-banagailuak erabiltzea eta norgehiagoka osoan zehar eserita egotea.
Besarkadak, eskua ematea eta bestelako kontaktu fisikoa saihestea eskatu dute. Bestalde, futbol-zelaira danborrak, megafonoak eta mastadun banderak sartzea debekaturik dagoela gogorarazi dute.
Euskadin, 5.000 pertsona baino gehiago biltzeko gaitasuna duten kirol eta kultura ekitaldietan aforo maximoa % 20koa da, nahiz eta beste erkidego batzuetan % 40koa izan, Lurralde arteko Osasun Kontseiluak baimendu ostean.
Zure interesekoa izan daiteke
Itsuek eklipsea "entzun" ahal izango dute, ONCEk jarriko dituen gailue batzuei esker
LightSound dispositiboa soinu bihurtzen du argiaren intentsitatea, eta abuztuaren 12ko fenomeno astronomikoa behatzeko gune batzuetan egongo da eskuragarri.
Gizon batek bikotekide ohia, 44 urteko emakume bat, hil du Murtziako merkataritza-gune batean
Halaber, 45 urteko emakume bat hiltzeagatik Benahavisen (Malaga) atxilotutako gizonak aitortu du hiltzailea dela, ihesaldian idatzi eta lagun baten etxeko atarian utzi zuen ohar batean. Horrek idatzia aurkitu eta Guardia Zibilari eman dio.
Gaztelugatxerako sarbideak itxita egongo dira eklipsearen egunean, arratsaldetik aurrera
Natur gunearen inguruan jendetza biltzea espero da, fenomeno astronomikoa ikusteko. Hori dela eta, segurtasun operatibo berezia aktibatuko dute Bizkaiko Aldundiak eta Bakioko eta Bermeoko udalek.
Onintza Enbeita eta Ainhoa Urrejola, Aste Nagusiari hasiera emateko prest
Enbeitak pregoia idatzita dauka. Bertsoak egongo direla aurreratu du, baina dena ez dela bertsotan izango. Pregoilariak errespetuan eta bizikidetzan oinarritutako jaien alde egin du, albiste txarrik gabe.
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.
Kolon eta ondesteko minbiziaren baheketak erdira murriztu du hilkortasuna Euskadin
Biogipuzkoako eta EHUko ikertzaileak buru ditu ikerketak eta JAMA Network Openen argitaratu dute. Horren arabera, kolon eta ondesteko minbiziaren baheketaren programak % 50 murriztu du hilkortasuna 50 eta 69 urtekoen artean, bi hamarkadatan.
2.200 bat emakumeri eraso die gizon bikotekideak edo bikotekide ohiak, Euskadin, 2026ko lehen seihilekoan
Emakunderen arabera, % 7 igo da 2025aren aldean. Familia barruko indarkeriaren biktimen kopurua % 20 hazi da Araban, eta erasoa jasan duten biktimen kopurua % 10 igo da Gipuzkoan.