Bilboko Konpartsen kultur programaren zatirik handiena debekatuko du Udalak
Juan Mari Aburto Bilboko alkateak uste du Bilboko Konpartsek proposatutako Bilboko Irria programa Aste Nagusiaren "alternatiba argia" dela, eta ez "jarduera multzo labur bat". Hori dela eta, egungo egoera epidemiologikoa kontuan hartuta, Udalak ez ditu onartuko pertsona pilaketak eragin ditzaketen egoera guztiak. Horrela, konpartsek proposatutako jarduera guztietatik bost bakarrik egiteko aukera emango dutela ohartarazi du.
Bilboko jaiak gertu direla eta, alkateak "gizalegez jokatzeko deia" egin die herritarrei, eta, gogoratu duenez, "aurten ez dago Aste Nagusirik, ezta ez-jairik ere". Hori dela eta, azaldu du ez dela "kasualitatea" Udalak abuztuaren 21etik 29ra ezer antolatu ez izana, eta ohartarazi du aurten "zero tolerantzia" izango dutela "gizalegearen aurkako jarrerekin".
Bestalde, Bilboko Konpartsek proposamen kultural bat egin dute abuztuaren 25etik 29rako, eta ostiral honetan, abuztuaren 20an, aurkeztuko dute, Areatzan. Udalak joan den asteartetik du zirriborroaren berri, eta, hori guztia aztertu ondoren, Aburtok hedabideen aurrean adierazi du konpartsen kolektiboak proposatutako bost jarduera baino ez dituztela baimenduko. "Jarduerak aztertu ditugu, eta ez ditugu onartuko pilaketak dakartzatenak. Ulertzea gustatuko litzaiguke; egoera ez dago txantxetarako", esan du.
Horrela, alkateak zehaztu du bost ekitaldi baino ez dituztela onartuko: "Haurrentzako ikuskizun bat Plaza Barrian; haurrentzako tailerrak Gas Plazan; rol jolasak eta irrati maratoi bat Tingladuetan; eta igel-toka eta tiragoma jokoak Arriaga Plazan".
Jende-pilaketarik ez
Aburtok "arreta, ardura eta zuhurtzia" eskatu die herritarrei, "osasun-neurriak eta distantziak errespetatu behar direlako, eta pilaketak saihestu". Zentzu horretan, "pandemia hau garaitu ahal izateko, denok jakin behar dugu egungo egoerak zer dakarren, bakoitzaren jokabidea ez baita neutroa, ondorioak ditu, eta bakoitzak egiten duenaren araberakoa izan daiteke beste pertsona baten osasuna edo bizitza, senide batena, eta hori erantzukizun handia da", gaineratu du.
Hala ere, azpimarratu duenez, "ez du balio hori esatea eta gero 500etik gorako tasa izatea". Ildo horretan, isunak jartzen eta errespetu faltak zigortzen jarraituko dutela iragarri du, "egunotan nahi ez diren egoerak gerta ez daitezen zaintzeaz gain, hiri honetako pertsonen bizitza eta osotasuna arriskuan jartzen duten gizalegearen aurkako jarrerekin tolerantziarik izan ez dezaten".
Hori horrela, azpimarratu du neurri hertsatzaileez hitz egin behar dela, eta jakinarazi du pandemian zehar 19.000tik gora zigor jarri dituztela hiriburuan, horietatik guztietatik 1.800 kale-zurrutari lotutakoak. "Lanean ari gara eta irmotasunez egiten jarraituko dugu, asko dugulako jokoan", gaineratu du.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.