Euskadin 604 kasu berri atzeman dituzte, eta positibotasun-tasa % 9,2ra jaitsi da
Covid-19an positibo eman duten 604 kasu berri atzeman dituzte Euskal Autonomia Erkidegoan (EAE) azken orduetan; hau da, aurreko egunean baino 15 gutxiago, Eusko Jaurlaritzako Osasun Sailak larunbat honetan jakitera eman duenez.
Datuak lurraldez lurralde aztertuta, azken orduetan 341 positibo zenbatu dituzte Bizkaian (atzo baino 16 kasu gehiago), 148 Gipuzkoan (23 gutxiago) eta 104 Araban (sei gutxiago). Gainera, beste autonomia erkidegoetan bizi diren 11 pertsonak ere positibo eman dute, kutsatu ondoren.
Ildo horretatik, positibotasun-tasak behera egiten jarraitzen du Euskadin, eta une honetan % 9,2an dago (aurreko egunean % 11,2an zegoen). Atzo, gaitza atzemateko 6.561 test diagnostiko egin zituzten, hau da, aurreko egunean baino 1.010 gehiago.
EAEko ospitaleetako egoerari dagokionez, 44 pertsona ospitaleratu behar izan zituzten atzo gela arruntetan (aurreko balantzean baino bi gutxiago), eta zainketa intentsiboetako unitateetan 73 gaixo daude covid-19arekin (lau gutxiago).
Hildako bat eta 155 positibo berri Nafarroan
Bestalde, Nafarroan hautemandako koronabirus kasuek gora egin dute azkenengo orduetan. Covid-19ak jotako 155 kutsatu atzeman dituzte, eta 89 urteko hildako bat. Aurreko egunean baino 18 positibo gehiago dira; ostegunean 137 kasu baieztatu zituzten, eta hildako bi.
Horrela, azken asteko beheranzko joera eten da behin-behinean: ostegunean 137 kasu baieztatu zituzten, 147 asteazkenean, 152 asteartean eta 151 astelehenean. Hala ere, azken 14 egunetako intzidentzia metatuak beheranzko joerari eutsi dio, eta 100.000 biztanleko 388 kasutan kokatu da ostiralean, Osasun Ministerioaren arabera.
Atzoko egunean zehar, 7 lagun ospitaleratu zituzten, horietako 4 ZIUn. Dagoeneko 1.213 hildako utzi ditu pandemiak Foru Erkidegoan.
Zure interesekoa izan daiteke
Luiziek zirkulazioa korapilatu dute N-634 eta NA-1300 errepideetan
Azken orduotako euriteek lur-jausiak eragin dituzte errepide sareko hainbat puntutan. Aipatu bi errepideak irekita daude dagoeneko, zirkulazioa txandaka bideratuta.
Gizon bat atxilotu dute Pedreñan bikotekidea hiltzea egotzita
Atxilotuak ez zuen horren salaketarik jarrita, baina aurrekariak zituen beste emakume batzuek salatutako indarkeria kasuengatik.
'Aita Mari' ontziak 32 pertsona erreskatatu ditu Mediterraneoan, bi egun noraezean zeramatzatela
Mediterraneo erdialdeko uretan topatu dute ontzia, migratzailez gainezka, "oso baldintza eskasetan". Bi egun zeramatzaten itsasoan noraezean. Erreskatatutako pertsonen artean bederatzi adingabe eta haurdun dagoen emakume bat daude.
21 urteko neska batek hankak apurtu ditu Tuteran, igogailu batean harrapatuta geratu baita
Istripua bart gertatu da, Albares kaleko eraikin bateko igogailuan. Dirudienez, emakume batek zeraman aulkitxo baten uhala igogailuaren atean trabatu da, eta hankak harrapatu dizkio. Suhiltzaileek askatu ostean, anbulantziaz eraman behar izan dute ospitalera.
Txurdinaga Behekoa Institutuko ikasle eta gurasoek Batxilergo Artistikoa ez kentzeko eskatu diote Hezkuntza Sailari
Begoña Pedrosak zuzentzen duen Hezkuntza Sailak adierazi du batxilergo hori ikasteko aukera bermatzen dela ikasleak Ibarrekolanda eta Bertendonako ikastetxeetan banatuta. Manifestarien esanetan, hezkuntza publikoaren aurkako beste eraso bat da, eta, hori dela eta, elkarrizketarako deia egin diote Eusko Jaurlaritzari.
Martxoaren 1ean Valtierran izandako zirkulazio-istripuan zauritutako 28 urteko neska hil egin da
Ezbeharra 01:19an gertatu zen, N-121 errepideko 72,28 kilometroan, Los Abetos jatetxearen bidegurutzean, bi gazte zihoazen autoa bidetik atera eta ezponda baten aurka talka egin zuenean. 20 urteko beste gazte bat ere zauritu zen ezbeharrean.
Santanderko istripua jazo aurretik 112ra deitu zuen gizona: "Behar bezala jardun izan balitz, ezbeharra saihestuko zen"
Zubiaren egoeraz ohartarazi zuen Santanderko bizilagunaren ustez, tragedia saihestuko zen deia jaso ostean jardun izan balitz. Instrukzioa egiten ari den epaileak zubiaren egoera aztertzeko eskatu dio peritu bati.
Ekialde Hurbileko gerraren aurka protesta egin dute Bilbon, eta Gaza ez ahazteko eskatu dute
PararLaGuerra.es herri plataformak protesta egin du gaur Bilbon, bakea eskatzeko, AEBk eta Israelek Iranen aurka hasitako erasoaldia indarrean denean. Halaber, babesa adierazi diote Palestinari.
Bidean da jada Sahararen aldeko elkartasun karabana
Oinarrizko produktuak daramatzan elkartasun karabana goizean abiatu da Donostiatik Saharara. 50 tona produktu eramango dituzte kamioiek. Saharako Errepublika Arabiar Demokratikoaren Lagunen Elkarteak eskerrak eman dizkie bilketan parte hartu duten guztiei.
Pedofilo bat atxilotu dute Gasteizen kautelazko neurriak urratzea egotzita, adingabeei argazkiak ateratzeagatik
Ostegunean atxilotu dute, ikastetxe, haurtzaindegi, haur-parke eta adingabeak biltzen diren beste edozein lekutara hurbiltzeko debekua urratu duela jakin eta gero.