Manifestazio jendetsua egin dute Altsasun, indar polizialak joan daitezela eskatuz
Ospa Egunaren hamargarren edizioko manifestazioak Altsasuko kaleak zeharkatu ditu larunbat arratsaldean, indar polizialak (udaltzaingoa salbu) joan daitezela eskatuz.
"Errepresioaren kontrako borrokak darrai" lelopean antolatu duten protesta honek "errepresioaren aurpegi guztiak salatu nahi izan ditu, gizarte kontrolatu baten parte ez izateko", Ospa Mugimenduak nabarmendu duenez.
Hain zuzen ere, "utzi bakean, alde hemendik" edo "ez zaituztegu maite, ez zaituztegu behar" bezalako mezuak entzun dira ibilbidean.
Aurreko urteetan bezala, Ospa Egunak kolektibo eta ordezkari politiko batzuen gaitzespena eragin du, besteak beste, AUGCrena. Testuinguru horretan, Fernando Grande-Marlaska Espainiako Gobernuko Barne ministroari ekitaldia galarazteko eskatu diote, guardia zibilak "jazartzen dituela" iritzita.
Javi Ollo (Geroa Bai) Altsasuko alkateak Twitterren zabaldutako mezu batean adierazi duenez, "gaur Altsasun egiten ari diren ekitaldian ez du herritarren gehiengoak parte hartu, eta, edozein demokratak, adierazpen askatasunaren eta biltzeko oinarrizko eskubidearen baitan kokatu behar du".
Sare sozialetan, Ana Beltran PPko Antolakuntza idazkariordeak esan du Ospa Eguna "Marlaskaren axolagabekeriaren aurrean Guardia Zibilari egingo zaion umiliazio onartezina" dela. Gauzak horrela, "gaitzespenik sendoena", adierazi du.
Ildo berean, Carlos Perez-Nievas Nafarroako Ciudadanoseko bozeramaileak Twitterren adierazi duenez, Ospa Egunean "Guardia Zibila berriro mehatxatuko eta mespretxatuko dute, EH Bilduren babesarekin, Geroa Bairen isiltasun konplizearekin eta PSN-PSOEren lotsarekin". "Gaur, inoiz baino gehiago, ez diegu utziko guardia zibilak kanporatzen", gaineratu du.
Zure interesekoa izan daiteke
Emakume bat itota hil da Donostiako Ondarreta hondartzan
Bart gauean gertatu da, biktima uretan zegoela, bainulari talde batekin batera, eta egoeraren berri eman dute, baina ezin izan dute heriotza saihestu.
Pertsona bat hil da eta beste bat desagertuta dago Biarritzeko itsasargiaren ondoko itsaslabar bat behera etorri ostean
Asteazken arratsaldean Biarritzeko Miramar hondartzaren eta itsasargiaren ondoan izandako luiziaren ondorioz lurperatuta geratu ziren bi pertsonetako baten gorpua berreskuratu dute larrialdietako taldeek.
Kantauri itsasoko ura 25,2 graduan dago, inoiz baino epelago
Ekainean, normalean, itsasoko ura 18 graduren bueltan egoten bada ere, gaur, ekainaren 24an, Donostiako Aquariumean egindako neurketak Kantauri itsasoko ura 25,2 gradutan dagoela erakutsi du, inoiz baino beroago.
Anne Baskaran Egido gasteiztarraren "Zuriaren, zure, gure... jaiak" izango da aurtengo Gasteizko jaietako kartela
Egileak azaldu du kartelak "Gasteizko jaiak bizitzeko dauden modu anitzak" islatu nahi dituela.
Ertzaintzak Euskadin erregistratutako gorroto delituak % 18 jaitsi dira 2025ean
Kasu horiei buruzko txostenaren egileek jaitsiera hori tentuz interpretatzeko eskatu dute, delitu asko ez baitira salatzen.
Sanferminek 516 ekitaldi izango dituzte, eta protagonismo handiagoa hartuko dute aurten haurrek eta auzoek
Asteazken honetan aurkeztu dute egitarau ofiziala, askotarikoentzako musika, jolasak, erakusketak, su artifizialak, kirol jarduerak, antzerkia, kalejira, ganadu-feria eta prozesioa biltzen dituena. Txupina uztailaren 6an jaurtiko dute, eta festak eztanda egingo du hilaren 14ra arte.
Bilbok badu kartela Aste Nagusirako: "Besarkada urdin bat Bilborentzat"
Juan Manuel Martinez Rodriguezen obra abuztuaren 22tik 30era ospatuko den Bilboko Aste Nagusiaren irudi ofiziala izango da.
"Naruto" anime japoniar arrakastatsua, estreinakoz euskaraz, EITBren PRIMERAN plataforman
Ostegun honetan, ekainak 25, estreinatuko ditu PRIMERANek lehen bost atalak. Guztira 52 kapitulu eskainiko ditu, ostiralero bost berri, lehen aldiz euskaraz bikoiztuta. Estreinaldiaren bezperan, EITBk aurrestreinaldi esklusiboa antolatu du Bilboko egoitzan. Gaur izango da, 18:00etan, Multibox aretoan, eta lehen lau atalak izango dira ikusgai.
"Ihesi, norbera izateko": Trumpen Amerikatik ihes egin eta Euskal Herrian bizi diren transen familien testigantzak jaso ditu EITBk
Seme-alaba transak dituzten zenbait familiak Estatu Batuak utzi eta Euskal Herrira etorri dira. EITBk haien lekukotasunak bildu ditu Ihesi, norbera izateko dokumentalean. Lehenengo erreportajeak asteazken honetako albistegietan ikusi ahal izango dira.
Osakidetzak eTXERTOA ezarri du txertoen kontrola eta segurtasuna hobetzeko
Sistema Bilbo-Basurtu ESIko zenbait zentrotan probatzen ari dira, eta txerto bakoitzaren funtsezko datuak automatikoki erregistratu ahal izango dira eman aurretik.