Etorkizun hobea bermatuko duten jokabide jasangarriak sustatzeko film labur bat aurkeztu du BBK-k
BBK Fundazioak film labur bat aurkeztu du ostegun honetan Bilbon, etorkizun jasangarria eta guztiontzat hobea bermatuko duten jokabide pertsonalak hartzearen garrantziaz eta beharraz gizartea kontzientziatzea helburu duena. Film laburra Bilboko itsasadarrean duela gutxi jarritako eskultura erraldoiaren jarraipena da.
Bilboko itsasadarrean jarri berri duten eskultura erraldoiaren jarraipena da film laburra, lehiakortasun jasangarriko ereduak aukeratu ezean biharko gizartearen agertoki onargarri bat jorratzea helburu duena.
Fikziozko lan distopikoa da, Bizkaiaren eta planetaren etorkizuna nolakoa izan litekeen planteatzen duena. Ikusleak Bihar (Bilboko Itsasadarreko eskulturari bizia ematen dion neskatila bera) nola hazten den ikusten du, gizarte gisa hartzen diren ekintzen edo erabakien ondorioei aurre eginez.
Xabier Sagredo BBK Banku Fundazioko buruak adierazi duenez, "film laburraren helburua modu erraz eta ia zuzenean erakustea eta ulertzea da, lehiakortasun iraunkorraren alde egiten duten eredu horiek gure etorkizuna eta gure seme-alabena markatu dezaketelako".
Obra prospektiba eta ikerketa prozesu luze baten ondoren sortu da, BBK-ko azterlan eta joeretan aditu den talde baten eskutik. Talde horren buru Xabier de la Torre izan da, BBK-ko berrikuntza arloko arduraduna, eta ondoan izan ditu Jordi Serra, prospektiban aditua eta Center for Postnormal Policy & Futures Studies zentroko zuzendariordea, OES21 ekonomia sozialaren behatokiko zuzendari akademikoa eta Ramon Llull Unibertsitateko irakaslea.
Hilabeteetako ikerketaren ondoren, etorkizuneko agertokiak eraikitzea lortu dute, egungo ekitaldien balizko garapenak aztertuz, eta, horrela, gure eguneroko ohituren ondorioak zehatzago aztertzera eramango gaituen tentsioa sortuz.
Zure interesekoa izan daiteke
San Joan suak bertan behera utzi dituzte herri askotan, muturreko beroagatik
Nafarroako Gobernuak San Joan surik ez egiteko gomendatu du. Eusko Jaurlaritzak ez du gomendio orokorrik eman eta herri bakoitza bere erabakiak hartzen ari da. Hala, Iruñean, Barakaldon, Urretxun, Zumarragan, Sopelan, Berangon, Gernikan eta Muxikan, besteak beste, ez da surik piztuko.
EHUko errektoreak ohartarazi duenez, kalifikazioak "ezin dira presio sozial, politiko edo mediatikoagatik zehaztu"
Joxerramon Bengoetxea EHUko errektoreak adierazi du kalifikazioak "ezin direla zehaztu presio sozial, politiko edo mediatikoagatik". Horrekin batera, USaPeko euskara azterketetan izandako zenbait notek eragindako polemikaren harira, esan du ikasleen eskubideak defendatzeak "ebaluazio-sistemaren inpendendentzia defendatzea" dakarrela.
Pedrosa sailburuak jakinarazi duenez, USaPeko euskara azterketan zeroen % 47 ebaluatzaile berak jarri zituen
Azterketa horretan jarritako 168 zeroetatik 108, 11. eta 12. epaimahaiek zuzendutako azterketei dagozkie; guztien % 64,3.
Berrikuspenaren ondoren, euskara azterketako zeroak murriztu egin dira, baina "igoera esanguratsurik gabe" kasu gehienetan
Unibertsitatera sartzeko proben behin betiko kalifikazioak argitaratu dituzte eta EHUko errektoreak balorazioa egin du: ebaluazio- eta berrikuspen-sistemaren alde egin du.
Haur-eskolak 13:00etan itxiko dira gaurtik aurrera, muturreko beroagatik
Haurreskolen Partzuergoak bere eskolak ohi baino goizago ixtea aurreratzea erabaki du, tenperatura altuak direla eta. Neurria datozen egunetan egongo da indarrean, kontrakoa erabaki arte.
Bi pertsona atxilotu dituzte Plentziako hondartzan, lapurretetan ari zirela eta udaltzainei erasotzeagatik
Halaber, Ertzaintza bi adingabe ikertzen ari da, igande honetan Plentziako hondartzan izandako gertakarietan parte hartu zutelakoan, hainbat lapurretarekin lotutako polizia-operazio batean.
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gizon bat hil da Sopuertan, trafiko istripuz
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.