105 pertsona lagundu eta 24 ordu geroago, lehorreratzeko toki segururik gabe jarraitzen du 'Aita Mari' ontziak
Aita Mari ontziak 105 pertsona migratzaile lagundu zituen asteartean, Mediterraneoan jitoan zegoen egurrezko ontzi batetik erreskatatu zituen, hain zuzen ere. Erreskatea burutu eta 24 ordu geroago, "lehorreratzeko toki segururik" gabe jarraitzen dutela salatu du euskal ontziak.
SMH gobernuz kanpoko erakunde gipuzkoarrak ziurtatu duenez, "Maltak eta Italiak itsas erreskateko operazioan edozein erantzukizun baztertu dute".
SMHren hitzetan, "Maltak ekintza erreskate operazio bezala aitortzea saihestu du", eta "migratzaileak itsas zabalean" salbatu dituztela erantsi du, nahiz eta ondoren "estatuen arteko lankidetza eskatu, lehorreratzeko toki seguru hurbilena zehazteko".
"Era berean, Italiak erreskatea bere erantzukizunetik at dagoen eremuan egin dela dio", kritikatu du gobernuz kanpoko erakundeak.
SMHk azaldu duenez, ontzia jitoan zegoen, helmugara iritsi ezinda, 105 pertsona zeramatzala, horien artean bi adingabe, eta batzuk gaixorik, "salbamendu baliabiderik eta laguntza eskatzeko modurik gabe".
Gobernuz kanpoko erakundeak gogorarazi duenez, "itsas operazio batean murgildutako ontzi eta Estatu bakoitzaren erantzukizuna argi eta garbi zehazten duten ebazpen legal ugari daude". Konkretuki, Europako Parlamentuko 656/2014 legedia eta 2014ko maiatzaren 14ko Kontseiluaren arauak aipatu ditu SMHk: "mugak zaintzeko arauak eta laguntza humanitarioa bideratzeko eta koordinatzeko mekanismoak izatera behartzen ditu estatuak".
Horregatik, Espainia, Malta eta Italiako gobernuei eta Europako Batzordeari "araudian ezarritakoa" betetzea eskatu die, eta "lehenbailehen lehorreratzeko toki bat zehaztea".
Zure interesekoa izan daiteke
"Euskararen aurkako oldarraldian" ausardia eskatu diote EAJ eta EH Bildu alderdiei ELAk eta LABek
Lakuntzak (ELA) adierazi du gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.