60 urtetik gorako pertsonek eta osasun langileek hirugarren dosia jasoko dute
Pedro Sanchez Espainiako Gobernuko presidenteak asteazken honetan iragarri duenez, txertoen lantaldeak koronabirusaren aurkako hirugarren dosia 60 urtetik gorako pertsonei eta osasun langileei ematea proposatu du.
Txerto lantaldeko iturriek jakitera eman dutenez, immunitate-sistema adinarekin zahartzen doa, eta nahiz eta covid-19aren aurkako txertoak eraginkortasun oso handia izan, 60 urtetik gora babes erantzuna areagotzea komeni da.
Txerto lantaldearen arabera, "logikoa" da txertatzen hurrengoa 60-69 adin tartea izatea. 70 urtetik gorakoentzako hirugarren dosia onartu zenean, adina 65 edo 60 urtera jaistea ere izan zuten mahai gainean aztergai.
Gripearen txertoari egokitzea bilatu nahi dute adituek, erkidego batzuek 65 urtetik gora ematen dutelako, eta beste batzuek 60 urtetik gora.
Sanchezek Ankaran eman du prentsaurrekoa, Recep Tayyip Erdogan Turkiako presidentearekin batera.
Bertan esan duenez, erkidegoetako presidente batzuek pandemiari aurre egiteko neurriak areagotzeko eskatu diote azkenaldian, baina Sanchezek "etenik gabeko txertaketa" bultzatzearen aldeko apustua egin du, positiboen gorakadari eusteko modurik onena dela uste duelako. Hala ere, egoera Europako beste herrialde batzuetan bezain larria ez dela gaineratu du.
Osasun Ministerioaren arabera, txertoen lantaldeak 60 urtetik gorakoak eta osasun langileak hirugarren dosi batekin babestea proposatu du asteazken honetan.
Gobernuburuaren hitzetan, proposamena Osasun Publikoko Batzordearen eskuetara iritsiko da orain, eta erkidegoekin lan egingo dute kolektiboak immunizatzen jarraitzeko.
Espainiako Gobernuko presidentearen ustez, "apaltasunez eta zuhurtziaz txertaketa estrategia arrakastatsuarekin jarraitzea funtsezkoa" da.
Espainiak datu onak dituela baina orain ospitaleen eta ZIUen okupazioari erreparatu behar zaiola erantsi du Sanchezek.
Zure interesekoa izan daiteke
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.
Xabier Agote (Albaola): "Euskaldunek mundu mailan puntako itsas teknologia garatu zuten duela 500 urte"
EITBk Albaolako presidentearekin hitz egiteko aukera izan du San Juan baleontzia uretaratu eta biharamunean. Pozik eta hunkituta agertu da, baina aurretik lan handia dutela esan du; izan ere, belak eta mastak egin behar dituzte oraindik. Astelehenetik aurrera, lanean jarraituko dute, ontzia ekipatu eta udaberrian berriz ikusgai jartzeko.
Hodi baten hausturak ur-hornidura arazoak eragin ditu Ezkerraldean
Matxura konpondu dute jada, baina txorrotak ireki eta urari isurtzen uzteko gomendatu dute, oraindik zikin egon daitekeelako.